Mataio 24:7 - Tokelauan New Testament

⁷ Ka hiki taua tētahi fenua ki tētahi fenua, ma tētahi mālō ki tētahi mālō. Ka i ei nā oge ma nā mafuie i nā koga kehekehe uma.

Mataio 24:7 ပူးပေါင်းရင်းမြစ်များ

Luka 21:11

Ka i ei nā mafuie lalahi, nā oge ma nā fāmai pēhi i nā koga kehekehe uma; ma ka kitea ake ki te lagi nā fakailoga tūkehe ma te fakamātakutaku.

Gāluega 11:28

Ko tētahi o ki lātou iēnei ko Akapo, na tū ki luga ma fai tana vāloaga e ala i te mana o te Agaga Paia, ko he oge lahi e tuku e pa mai ki te lalolagi kātoa. (Na tupu te oge tēnei i nā aho o te pūlega a te Kaihala Kalautiona.)

Gāluega 2:19

Ka kō faia ni vāvega i te lagi i luga, ma ni fakailoga i te lalolagi i lalo. Ka i ei te toto, te afi, ma te ahu māfiafia;

Epelu 12:27

Ko te uiga o nā kupu “lūlū tahi” e fakailoa manino mai ai, ko nā mea uma lele na gaohia ka lūlūgia ma kave kehe, kae ke tūmau ai pea nā mea e hē mafai ke lūlūgia.

Fakaaliga 6:12

Oi kō kitea atu ai te Punuamāmoe e tatala e ia te fakamaufakailoga tona ono. Na lūlū te mafuie lahi ma pōulitia te la e vē he kie vavae uliuli, ma ko te māhina kua lanu kukula kātoa e vē ko te toto.

Fakaaliga 6:5

Oi tatala ai e te Punuamāmoe te fakamaufakailoga tona tolu; ma na lagona e au te tolu o meaola e lea vē, “Hau!” Kua kikila au, ma kō kitea atu he holofanua uliuli. Ko te tino e tiketike ai, e tāofi i tona lima he fua fakapāleni,

Fakaaliga 6:6

ma na lagona e au he mea e vē he leo, e hau i te mea e i ei ai nā meaola e fa, e lea vē, “Ko te tēnali e fokotahi e maua ai ni pauna falaoa e lua e fai i te haito, pe ni pauna falaoa e ono e fai i te kālite. Kae nahe fakakinoagia nā togāolive ma nā tōvine!”

Fakaaliga 6:8

Kua kikila atu au, oi kō kitea ai he holofanua lanu meamata tai hegahega. Ko te tino e tiketike ai e fakaigoa ko te Oti, ma e mulimuli atu i ona tua ia Heoli Kua tuku atu ki a te ki lāua te pule ke tāmate ai te tahi vaefa o tagata o te lalolagi, e ala i nā taua, nā oge, nā fāmai, ma e nā manu fekakai i te lalolagi.