Mataio 24:5 - Tokelauan New Testament

⁵ Auā e tokalahi nā tino ka ōmamai i toku igoa ma lea vē atu, ‘Ko au ko te Mehia,’ ma ka ki lātou fakahehēa te tokalahi o tagata.

Mataio 24:5 ပူးပေါင်းရင်းမြစ်များ

Mataio 24:11

E tokalahi foki nā pelofeta pepelo ka huhula mai ma pelogia e ki lātou te tokalahi o tagata.

Mataio 24:24

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Ioane 5:43

E hau au ma te pule a toku Tamana, kae hē koutou talia au; kae kāfai hētahi tino e hau i tana lava pule, e talia e koutou.

Ioane 8:24

Ko te mea ia na lea atu ai au, ko koutou ka feoti ma autou agahala. Ma ka feoti koutou ma autou agahala kāfai koutou e hē talitonu ‘Ko Au Ko Au Lava Au.’ ”

Ioane 8:28

Oi vāgana atu ai ia Iehu ki a te ki lātou, “Kāfai e koutou hiki akea te Ataliki o te Tagata, ka iloa ai e koutou ‘Ko Au Ko Au Lava Au,’ ma ka koutou iloa ai e hēai he mea e kō faia i haku lava pule, kae ko au e tautala oioti i nā mea na akoako ai au e toku Tamana.

1 Ioane 2:18

Taku fānau, ko te ikuga kua pili mai! Na fakailoa atu ki a te koutou ko te Fili o Keliho e hau; kae nei e tokalahi lele nā fili o Keliho kua huhula mai, ma ko te mea ia kua iloa ai e ki tātou ko te ikuga kua pili mai.

1 Ioane 2:22

Ko ai la te tino e tala pepelo? Ko ho he tino e lea ko Iehu e hē ko te Mehia. Ko te tino e lea vēnei, ko ia tēnā ko te Fili o Keliho — e hē ia taliagia te Tamana ma te Ataliki.

1 Ioane 4:3

Kae ko ho te tino e hē ia faia he takutinoga vēnei e uiga ki a Iehu, e hē ia te ia te Agaga e hau mai te Atua. Ko te agaga e ia te ia e hau mai te Fili o Keliho; na fakalogo koutou e hau, ma i te taimi nei, kua i kinei i te lalolagi.

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.