Mataio 24:49 - Tokelauan New Testament

⁴⁹ ma kāmata ai oi kini e ia ona hoā kaukauna, ma kakai ma inu fakatahi ma nā tino konanā.

Mataio 24:49 ပူးပေါင်းရင်းမြစ်များ

Mataio 18:28

“Oi fanatu ai te kaukauna tēnei, kua fetaui ma tona hoā kaukauna e nofo kaitālafu ake ki a te ia i he helau tupe hiliva. Kua tago atu oi tāofi mai tona hoā kaukauna ma kāmata titina te ua ma lea vē atu ki ei, ‘Totogi mai nei lava taku tupe e kaitālafu e koe!’

Mataio 24:48

Kae kāfai ko ia ko he kaukauna kino, ka lea vē ifo ki a te ia lava, ‘ko toku matai e tuai mai,’

Mataio 24:50

Kae ka toe foki mai tona matai i he aho e hēki manatu te kaukauna e foki mai ai, ma i he taimi e hē ia iloa.

Mataio 7:15

“Koutou ke fakaeteete i nā pelofeta pepelo: e ōmamai ki a te koutou e fōliga e vē ni māmoe i te kikila atu i fafo, kae ko loto, e vē lava ni luko fekai.

Ioane 2:10

“Ko nā tino uma lele, e fakahoa muamua lava e ki lātou te uaina lelei, ma kāfai loa te kau valakaulia e kāmata oi konanā, oi fātoā fakahoa ai la ki ei te uaina taugōfie. Kae kua kē tāofia te uaina lelei, ke fakahoa mulimuli.”

Loma 16:18

Auā ko nā tino e faia nā mea iēnā, e hē gālulue mo Keliho to tātou Aliki, kae mo ki lātou lava. Ko a lātou kupu gali ma fakafāfia tino, e fakahehē ai nā loto o nā tino e hē lava to lātou iloa.

2 Kolinito 11:20

E onohai koutou kāfai koutou e fakapologa e he tino, pe fakavalea, pe honafai, pe manatu fakatauva ki a te koutou, pe fai ni ona uiga hē māfaufau ki a te koutou.

Filipi 3:19

Ko te ikuga o nā tino iēnei e fakaumatiagia, auā kua atua ki lātou ki o lātou manakoga fakatetino. E fāfifia i nā mea e tatau ke māhiahi ai, ma e māfaufau oioti lava ki nā mea o te lalolagi.

1 Petelu 5:3

Nahe koutou taumafai ke pule mālohi ki nā tino e koutou kikilagia, kae taumafai ke fai koutou ma fakatakitakiga ki te lafu māmoe.

Iuta 1:12

E hē matamumuli ma e kakai fakaatuatuvale, ma e vē ki lātou ni mea kelekelea i nā taimi e kakai ai koutou; e hē fia tōkakaga ki iētahi tino kae kikila ifo lava ki lātou ki a te ki lātou lava. E vē ki lātou ko nā ao e pūhia i te matagi, kae e hē maua ai he ua. E vē ko nā lākau e hē fua i te taimi e fua ai ia lākau; nā lākau kua taheki kātoa ki luga ma nā aka ma kua mamate kātoa.

Fakaaliga 13:7

Na fakataga ke tau ma tagata o te Atua ma ke fakatōkilalogia ki lātou, ma na fōki ki ei te pule ke ia pūlea ai ia nuku uma, mālō uma, gagana uma ma lanu uma.

Fakaaliga 16:6

Na fakamaligi e ki lātou te toto o tagata o te Atua ma te kau pelofeta, ma kua fōki e koe nā toto ki a te ki lātou ke inu. Ko tēnā lava te mea e tatau mo ki lātou.”

Fakaaliga 17:6

Ma na kō kitea ko te fafine kua konā i te toto o tagata o te Atua, ma te toto o nā tino na tāmate ona nae mulimuli ma te fakamāoni ki a Iehu. I te kō kiteaga o te fafine, ko au na ofo lahi lele.