Mataio 24:39 - Tokelauan New Testament

³⁹ kae e hēki ki lātou iloa lele te mea kua tupu ke pa lava ki te taimi na hau ai te lolo ma tāfefea uma ai ki lātou. Ka vēnā foki lava nā mea ka tutupu kāfai te Ataliki o te Tagata e haele mai.

Mataio 24:39 ပူးပေါင်းရင်းမြစ်များ

Mataio 16:27

Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Mataio 24:3

E nofo ia Iehu i luga o te Mauga o Ōlive, kae ōmai ki a te ia nā hoko o ia nā ko ki lātou, ma fehili vē atu ki a te ia, “Taku mai ake ki a te ki mātou pe ko āfea te ka fakataunuku ai te mea tēnei, ma pe he ā foki he fakailoga ke iloa ai e ki mātou te taimi e haele mai ai koe, ma te taimi e uma ai te ōlaga tēnei?”

Mataio 24:30

Ka kitea te fakailoga i te lagi, e iloa ai ko te Ataliki o te Tagata kua haele mai; ma ko tagata uma i te lalolagi ka faitatagi, ma ka ki lātou kitea atu te Ataliki o te Tagata e haele mai i luga o nā ao o te lagi, ma te mana, ma te mamalu hilihili kehe.

Mataio 24:37

E vē ko nā mea na tutupu i nā aho o Noa, ka vēnā foki lava nā mea ka tutupu kāfai te Ataliki o te Tagata ka haele mai.

Mataio 24:40

I te taimi tēnā, e toka lua ia tamāloa ka gālulue i te fatoaga; e fokotahi ka kave, kae tuku tētahi.

Luka 19:44

Ka ki lātou tuki momoia koe ki lalo, ko koe ma au fānau i loto i ō pa; ka hēai he fatu e fokotahi e ki lātou fakatotoea i luga o he tahi fatu, auā e hēki iloa e koe te taimi na āhiāhi mai ai te Atua, ke laveaki koe!”

Ioane 3:20

Ko nā tino e faia nā mea e kino, e inoino ki te mālamalama ma e hē mafai ke ōmamai ki te mālamalama, auā e hē fofou ke kitea a lātou āmio kino.

Gāluega 13:41

‘Kikila, koutou iēnā e fakatauemu ki taku kupu! Koutou ke ofo ma feoti! Auā ko te mea e kō faia i te aho nei, ko he mea ka hē talitonu lele koutou ki ei, e tuha lava pe fakamālamalama atu e he tino ki a te koutou!’ ”

Loma 1:28

Ona ko nā tino iēnei kua hē fia talia e ki lātou te mālamalama moni e uiga ki te Atua, kua tīaki vē ai ki lātou e te Atua ma o lātou māfaufau pikopiko, kae ke fai ai pea e ki lātou nā mea e hē tatau ke ki lātou faia.

2 Petelu 3:5

Kua fakatagā pupuli lele ia te ki lātou ko te lagi ma te lalolagi na faia i te fakatonuga a te Atua i nā aho kua leva. Ko te lalolagi na tutupu ake i te vai ma gaohia i te vai,