Mataio 24:3 - Tokelauan New Testament

³ E nofo ia Iehu i luga o te Mauga o Ōlive, kae ōmai ki a te ia nā hoko o ia nā ko ki lātou, ma fehili vē atu ki a te ia, “Taku mai ake ki a te ki mātou pe ko āfea te ka fakataunuku ai te mea tēnei, ma pe he ā foki he fakailoga ke iloa ai e ki mātou te taimi e haele mai ai koe, ma te taimi e uma ai te ōlaga tēnei?”

Mataio 24:3 ပူးပေါင်းရင်းမြစ်များ

Mataio 13:36

Kua tukua e Iehu te kaifenua ka kua fano ki loto o te fale. Oi ōmai ai ona hoko kua lea vē atu ki ei, “Fakamatala mai ake ki a te ki mātou te uiga o te talafakatuha o nā vao kino i te fatoaga.”

Mataio 13:49

E vēnā foki lava te mea ka pa ki ei kāfai e uma te ōlaga nei: ka oatu nā agelu oi fili nā tino agahala mai nā tino āmiotonu

Mataio 15:12

Oi ōmai ai te kau hoko ki a Iehu kua lea vē atu ki ei, “E kē iloa te tīgā o nā loto o te kau Falehaio ki nā mea nae lea ai koe?”

Mataio 16:27

Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Mataio 16:28

E takutino atu e au ki a te koutou, e i ei nā tino ka ki lātou kiteagia te Ataliki o te Tagata kāfai ka hau ko ia ko te Tupu, ka ko hēki feoti ki lātou.”

Mataio 17:19

Oi ōmai ai nā hoko nā ko ki lātou, oi lea vē atu ki a Iehu, “He ā nei te hēki mafai ai e ki mātou oi tuli ki fafo te tēmoni?”

Mataio 21:1

Kua agai atu ia Iehu ma ona hoko ki Ieluhalema, ma tau atu ai ki he kakai e igoa ki a Petehake, e pili ki te Mauga o Ōlive. I kinā na uga ai e Iehu ni hoko e toka lua ke muamua

Mataio 24:27

Auā e vē ona napa te uila ma māinafia haukatoa ai te lagi mai hahae ki hihifo, ka vēnā foki lava kāfai te Ataliki o te Tagata e hau.

Mataio 24:30

Ka kitea te fakailoga i te lagi, e iloa ai ko te Ataliki o te Tagata kua haele mai; ma ko tagata uma i te lalolagi ka faitatagi, ma ka ki lātou kitea atu te Ataliki o te Tagata e haele mai i luga o nā ao o te lagi, ma te mana, ma te mamalu hilihili kehe.

Mataio 24:37

E vē ko nā mea na tutupu i nā aho o Noa, ka vēnā foki lava nā mea ka tutupu kāfai te Ataliki o te Tagata ka haele mai.

Mataio 24:39

kae e hēki ki lātou iloa lele te mea kua tupu ke pa lava ki te taimi na hau ai te lolo ma tāfefea uma ai ki lātou. Ka vēnā foki lava nā mea ka tutupu kāfai te Ataliki o te Tagata e haele mai.

Mataio 24:43

Ka na he mea na iloa e te tino e o ia te fale te taimi e hau ai te tino kaihohoa, e mautinoa lelei lava e hēki moe lele, ma hē ia tukua he avanoa ke kaihohoa ai tona fale.

Mataio 28:20

ma akoako ki a te ki lātou ke mulimuli ki nā mea kua kō fakatonua ai koutou. Ma ko au ka fakatahi pea lava ma koutou, ke pa lava ki te gataaga o te ōlaga.”

Luka 21:7

Kua fehili atu ona hoko, “Te Faiakoga, ko āfea te fakataunuku ai te mea tēnei, ma ko he ā foki he fakailoga ke iloa ai e ki mātou kua tāli pa ki te taimi e fakataunuku ai?”

Gāluega 1:7

Na tali atu ia Iehu, “Ko toku Tamana oioti lava te ia faia te tonu pe ko āfea te ka tutupu ai nā mea iēnei, ma e hēai lele hautou aiā ki ei.

Epelu 9:26

auā ka na he mea na fai e ia te mea tēnei, e vēnei ake e lahi lele nā taimi na puapuagā ai ia talu te foafoaga o te lalolagi. Kae i te taimi nei kua tafapili ai ia mea uma ki te ikuga, kua hau mo te taimi lava tēnei e fokotahi, ke ia kave kehea ia agahala a tagata e ala i te ofo atu o ia lava ma tāulaga.