Mataio 24:21 - Tokelauan New Testament

²¹ Auā ko nā puapuagā ka pa ki ei i te taimi tēnā, ka hili lele atu te kino i lo ni iētahi puapuagā na kua pa ki ei ia tagata, mai te kāmataga o te lalolagi, ke pa mai lava ki te taimi nei. Ka hē toe mafai lele foki ke toe tupu he mea vēnei.

Mataio 24:21 ပူးပေါင်းရင်းမြစ်များ

Mataio 24:20

Tatalo ki te Atua ke nahe hōhola kehe koutou i nā aho o te taumālūlū pe i he Hāpati.

Mataio 24:29

“E uma atu loa nā fakahāuāga o nā aho iēnā, oi gaholo loa e pōuli te la, ka hē toe huhulu te māhina, ka pakukū ia fetu mai te lagi, ma ko nā mālohiaga o te vāteatea, ka lūlū kehe mai o lātou alāvaka tūmau.

Maleko 13:9

“Koutou lava ke kikila lelei. Ko koutou ka puke ma kave ki te fakamahinoga. Ka kini i loto o nā hūnako; ka tutū i mua o nā kōvana ma nā tupu ona ko au, ke fakailoa atu ki a te ki lātou te Tala Lelei.

Luka 21:24

Ko iētahi tino ka tāmate i te pelu, ka ko iētahi ka kave fakapagotā ki atunuku uma; ma ko Ieluhalema ka holi ki lalo i vae o tagata nukukehe, ke pa lava ki te aho e uma ai te lātou pule.

1 Tehalonia 2:16

Na taumafai foki ki lātou ke tāofi ki mātou mai te tālakiga o te fekau ki tagata nukukehe, te fekau e maua ai e ki lātou te fakaolataga. Ona ko a lātou faiga iēnei, kua kātoatoa lelei ai lava nā agahala uma lele e ki lātou faia pea lava. Ma i te taimi nei, ko te tōkahā o te Atua kua pakū ki o lātou luga.

Fakaaliga 16:18

Kua kānapanapa nā uila, gugulu ma gāpāpā nā tāgulu, ma lūlū he mafuie fakamātakutaku. E hēki i ei lele he mafuie vēnei na kua tupu talu te gaohiga o tagata ola; ko te mafuie tēnei kua pito hili lele atu te kino.

Fakaaliga 7:14

Kua lea vē atu au ki ei, “Te aliki, e hē kō iloa kae e kē iloa.” Oi lea mai ai ki a te au, “Ko nā tino iēnei kua hao mai i nā puapuagā e lahi. Kua uma te ufi e ki lātou o lātou kofu, ma fakapaepae i te toto o te Punuamāmoe.