Mataio 23:7 - Tokelauan New Testament

⁷ e fofou foki ke fakafeiloaki aloakia ake ki lātou e tagata i nā māketi, ma ke takua ki lātou ni ‘Faiakoga.’

Mataio 23:7 ပူးပေါင်းရင်းမြစ်များ

Mataio 11:16

“He ā nei te ka kō fakatuhagia ki ei nā tino o tēnei tupulaga? E vē ki lātou ko nā tamaiti e nonofo i te māketi ma taukalalaga atu tētahi vāega ki tētahi,

Mataio 23:8

Kae ko koutou e hē takua lele ni ‘Faiakoga,’ auā e tutuha uma koutou, ma e fokotahi oioti lava te koutou Faiakoga.

Mataio 26:25

Oi lea atu ai ia Iuta, tē ka ia fakalatagia ia Iehu, “Te Faiakoga, e hē ko au ni, te lea ai koe?” Ka kua tali atu ia Iehu, “Ko tēnā lava e lea ai koe.”

Mataio 26:49

Oi havali hako atu ai loa ia Iuta ki a Iehu ma lea vē atu ki ei, “Mālō ni te Faiakoga!” ma hogi atu ki ei.

Maleko 10:51

Kua fehili atu ia Iehu, “He ā te fofou koe ke kō faia mo koe?” Kua tali mai ia, “Te Faiakoga, ko au e fofou ke toe pupula oku mata.”

Maleko 11:21

Kua manatua e Petelu te mea na tupu oi lea vē atu ai ki a Iehu, “Te Faiakoga, kikila atu ki te mati na fetū e koe, kua mate!”

Maleko 12:38

Ka koi akoako atu ia Iehu ki a te ki lātou, oi vāgana atu ai ki ei, “Koutou ke fakaeteete i nā faiakoga o te Tūlāfono. E fiafia oi eva i o lātou kofuloloa ma fofou ke fakafeiloaki aloakia ake ki lātou e tagata i te māketi.

Maleko 14:45

Na pa mai lava ia Iuta oi fano ai loa ki a Iehu ma lea vē atu ki ei, “Te Faiakoga!” ma hogi atu ki ei.

Maleko 9:5

Oi lea atu ai ia Petelu ki a Iehu, “Te Faiakoga, te lelei ko ki mātou e i kinei! Ka fakatutū la e ki mātou ni fakamalumalu e tolu; ko tētahi mo koe, ko tētahi mo Mohe, ma tētahi mo Elia.”

Luka 11:43

“Kae hāloa la koutou te kau Falehaio! E fiafia koutou oi nonofo i nā nofoa fakapitoa i loto o nā hūnako, ma ke fakafeiloaki aloakia koutou e tagata i nā māketi.

Ioane 1:38

Kua fāliu mai ki tua ia Iehu, oi kitea ai e ia te toka lua e mulimuli ake ki a te ia, oi fehili atu ai ki ei, “He ā ta koulua e hakili?” Kua tali mai ki lāua, “Lāpi, ko koe e nofo i fea?” (Ko te uiga o te kupu tēnei, “Te Faiakoga.”)

Ioane 1:49

“Te Faiakoga,” kua tali atu ia Natanielu, “ko koe ko te Ataliki o te Atua! Ko koe ko te Tupu o Ihalaelu!”

Ioane 11:8

Kua lea mai ona hoko ki a te ia, “Te Faiakoga, ko koe nei e hakili e nā tino Iutaia ke fetogi i ni fatu, kae ko koe e toe fia fano ki ei?”

Ioane 20:16

Kua vāgana atu ia Iehu ki a te ia, “Malia!” Kua fakahaga tonu atu ia Malia ki a te ia ma lea vē atu ki ei i te gagana Epelu, “Lāponi.” (Ko tona uiga “Te Faiakoga.”)

Ioane 3:2

Kua pa ki tētahi pō, oi fano ai ki a Iehu ma lea vē atu ki ei, “Te Faiakoga, e ki mātou iloa ko koe he faiakoga na uga mai e te Atua. E hēai he tino e ia mafaia oi fai nā fakailoga e fai e koe, vaganā ko te Atua e i ei fakatahi ma ia.”

Ioane 3:26

Oi olo ai ki a Ioane ma lea vē atu ki ei, “Te Faiakoga, e kē iloa te tino nae fakatahi koulua i te itū ki hahae o te Iolitana, tēia na molimau koe e uiga ki ei? E fai nei tana papatihoga, ma kua gāholo uma atu ki ei ia tagata.”

Ioane 4:31

I te taimi tēnā, ko Iehu e tauanau e ona hoko, e lea vē ki ei, “Te Faiakoga, kai ko hau mea!”

Ioane 6:25

I te maua atuga e ki lātou o Iehu i tētahi itū o te vaitūloto, oi lea vē atu ai ki ei, “Te Faiakoga, ko koe na hau anafea ki kinei?”

Ioane 9:2

Oi fehili ai ona hoko ki a te ia, “Te Faiakoga, e āi nei te agahala na māfua ai te fānau mai o te tamāloa e tāuaho? E ā ia lava, pe ā ona mātua?”