Mataio 23:38 - Tokelauan New Testament

³⁸ Ma ko te mea ia ka tīaki ai te Mālumalu o koe ma hē toe i ei ni tino e olo ki loto.

Mataio 23:38 ပူးပေါင်းရင်းမြစ်များ

Mataio 24:2

Kae kua tali atu ia Iehu ki a te ki lātou, “E kitea e koutou nā mea uma iēnei ni? E takutino atu e au ki a te koutou, ka hē toe i ei i kinei he fatu e fokotahi e tū i luga o hētahi fatu; ko nā fatu takitahi uma lele ka togi kehe uma ki lalo.”

Maleko 13:14

“Ka kitea e koutou ‘Te Mea Matakutia te Kino ma te Inohia’ e fakatū i te mea e hē tatau ke i ei ai.” (Ke mālamalama te tino faitau ki te uiga o te mea tēnei!) “Ko koutou la e nonofo i Iutea, e tatau ke hōhola ki luga o nā mauga.

Luka 13:35

Ma ko te mea ia ka tīaki ai te Mālumalu o koe. Ma e takutino atu e au ki a te koe, ka hē toe kē kiteagia au, heiloga kua pa ki te taimi e lea vē ai koe, ‘Ke fakamanuia e te Atua tē e hau i te igoa o te Aliki!’ ”

Luka 21:20

“Kāfai e koutou kitea ia Ieluhalema kua hiko fakatāmilo e vaegākau, oi ka koutou iloa ai kua pili mai te aho ka fakataugāgia ai.

Luka 21:24

Ko iētahi tino ka tāmate i te pelu, ka ko iētahi ka kave fakapagotā ki atunuku uma; ma ko Ieluhalema ka holi ki lalo i vae o tagata nukukehe, ke pa lava ki te aho e uma ai te lātou pule.

Luka 21:6

“Ko nā mea uma iēnei e koutou kitea atu — e hau te taimi ka hē toe i ei he fatu e fokotahi e tū i luga o hētahi fatu; ko nā fatu takitahi uma lele ka togi kehe uma ki lalo.”