Mataio 23:28 - Tokelauan New Testament

²⁸ E vēnā foki lava te kikila atu ki a te koutou i fafo, e āmiotonu i te kikilaga a tagata, ka ko loto e tumu i te fakagutugutulua ma te agahala.

Mataio 23:28 ပူးပေါင်းရင်းမြစ်များ

Mataio 23:27

“Kae hāloa la koutou nā faiakoga o te Tūlāfono ma te kau Falehaio! Ko koutou ni tagata fakagutugutulua! Ko koutou e vēia ko nā tugamau kua vali paepae, e manaia mai ia fafo ka ko loto e tumu i te pogāivi ma nā tino oti kua pala.

Mataio 23:29

“Kae hāloa la koutou nā faiakoga o te Tūlāfono ma te kau Falehaio! Ko koutou ni tagata fakagutugutulua! E fau e koutou nā tugamau mānanaia mo nā pelofeta ma teuteu nā mea ke fakamanatu ai ki lātou nae ola āmiotonu;

Mataio 23:5

Ko a lātou mea uma e fai kae ke kitea ai ki lātou e tagata. Kikila ki te fuaefa o nā taga ei loto ai nā fuaikupu mai nā tuhituhiga paia e tanoa ki o lātou muāulu ma o lātou lima, vēnā ma te loloa o nā mea e fakapipiki ki nā pito o nā kofutatao, ke fakailoa ai ko ki lātou e fakatuatua ki te Atua!

Luka 16:15

Kua vāgana atu ia Iehu ki a te ki lātou, “Ko koutou iēnā e fia āmiotonu i mua o tagata, kae e kitea e te Atua nā mea i outou loto. Auā ko nā mea e fakatāua i te kikila a te tagata, ni mea iēnā e inoino ki ei te Atua.

Kalatia 2:13

Ma ko iētahi uho Kelihiano Iutaia, kua kāmata foki oi hui o lātou uiga e vē ko Petelu, ma ke pa foki lava ki a Panapa, na mulimuli foki ki nā uiga fakagutugutulua iēnei.