Mataio 23:27 - Tokelauan New Testament

²⁷ “Kae hāloa la koutou nā faiakoga o te Tūlāfono ma te kau Falehaio! Ko koutou ni tagata fakagutugutulua! Ko koutou e vēia ko nā tugamau kua vali paepae, e manaia mai ia fafo ka ko loto e tumu i te pogāivi ma nā tino oti kua pala.

Mataio 23:27 ပူးပေါင်းရင်းမြစ်များ

Mataio 23:28

E vēnā foki lava te kikila atu ki a te koutou i fafo, e āmiotonu i te kikilaga a tagata, ka ko loto e tumu i te fakagutugutulua ma te agahala.

Luka 11:44

Kae hāloa la koutou! Ko koutou e vēia ko nā tugamau e hēki fakailoga, ma e havavali kui luga ai ia tagata e aunoa ma te ki lātou iloa.”

Gāluega 23:3

Oi lea vē atu ai ia Paulo ki a Anania, “Ka mautinoa lava te taia o koe e te Atua — ia koe tēnā e vē he puipui kua vali ke fakapaepae! E nofo mai koe i kinā ke fakamahino mai au e tuha ai ma te Tūlāfono, kae kua holi foki lava e koe te Tūlāfono i tau fakatonuga ki nā tino ke po au!”

Kalatia 6:12

Ko nā tino e taumafai ke fakamālohia koutou ke pelitome, ko ki lātou lava iēnā te fia iloa ma fāfifia i nā mea i te kikila atu i fafo. Kae oioti lava te mea e fai ai e ki lātou te mea tēnei, ona e mātataku nā ki lātou e kupugia kāfai e tālaki e ki lātou e uiga ki te hātaulo o Keliho.