Mataio 23:13 - Tokelauan New Testament

^13-14 “Kae hāloa la koutou nā faiakoga o te Tūlāfono ma te kau Falehaio! Ko koutou ni tino fakagutugutulua. E koutou tapunia te faitotoka ki te Mālō o te lagi ki tagata, ka ko koutou e hē mafai ke olo ki loto, ma e hē koutou fakataga foki nā tino e taumafai ke olo ki loto.

Mataio 23:13 ပူးပေါင်းရင်းမြစ်များ

Mataio 23:16

“Kae hāloa la koutou nā takitaki tāuaho! E akoako e koutou vēia, ‘kāfai he tino e tautō i te igoa o te Mālumalu, e hē fuhifuhia i tana tautōga; kae kāfai e tautō i te igoa o nā aulo i loto o te Mālumalu, e fuhifuhia.’

Mataio 23:23

“Kae hāloa la koutou nā faiakoga o te Tūlāfono ma te kau Falehaio. Ko koutou ni tagata fakagutugutulua. E fōki e koutou mo te Atua te tahi vaehefulu o nā mea fakamanogi meakai e vē ko te mineti, te tili ma te kumini, kae kua hē mulimuli koutou ki nā akoakoga tāua o te Tūlāfono, vē ko te fakatutuha o tagata uma i te tūlāfono, te agalelei ma te fakamāoni. Ko nā mea iēnei e tatau ke fai e koutou, kae hē tiakia ai iētahi mea.

Mataio 23:25

“Kae hāloa la koutou nā faiakoga o te Tūlāfono ma te kau Falehaio! Ko koutou ni tagata fakagutugutulua. E fufulu e koutou ia fafo o autou iputi ma autou ipukai, kae ko loto e tumu i nā mea na koutou maua i te tuinanau ma te mānumanu.

Mataio 23:27

“Kae hāloa la koutou nā faiakoga o te Tūlāfono ma te kau Falehaio! Ko koutou ni tagata fakagutugutulua! Ko koutou e vēia ko nā tugamau kua vali paepae, e manaia mai ia fafo ka ko loto e tumu i te pogāivi ma nā tino oti kua pala.

Mataio 23:29

“Kae hāloa la koutou nā faiakoga o te Tūlāfono ma te kau Falehaio! Ko koutou ni tagata fakagutugutulua! E fau e koutou nā tugamau mānanaia mo nā pelofeta ma teuteu nā mea ke fakamanatu ai ki lātou nae ola āmiotonu;

Mataio 3:7

Kae i te kitea atuga e Ioane te tokalahi o te kau Falehaio ma te kau Hatukaio kua ōmamai ke papatiho ki lātou e ia, oi lea vē atu ai ki ei, “Koutou fānau a gata — ko ai te na lea atu e mafai koutou ke hao i te fakahalaga a te Atua kua tali pa mai?

Luka 11:52

“Kae hāloa la koutou nā faiakoga o te Tūlāfono! Kua tāofi e koutou te kī e tatala ai te faitotoka ki te fale e maua ai te poto; ko koutou ka hē mafai ke ulu ki loto, ma e tāofi e koutou nā tino e taumafai ke olo ki loto!”

Ioane 9:22

Na lea vēnā ona mātua, ona kua mātataku i nā takitaki o Iutaia, auā kua uma te fai o te lātou tonu, ko te tino e lea ko ia e talitonu ko Iehu ko te Mehia, e tuli kehe mai loto o te hūnako.

Ioane 9:24

Kua fakalua ona toe fekau e ki lātou te tamāloa na fānau mai e tāuaho, oi lea vē atu ai ki ei, “Takutino i mua o te Atua ko koe ka tautala i te meamoni! E iloa e ki mātou ko te tino na ia fakamālōlōa koe ko he tino agahala.”

Ioane 9:34

Kua tali atu ki lātou, “Ko koe na fānau ma tuputupu ake i te agahala — kae e hau koe oi akoako mai ki mātou?” Oi tuli kehe ai e ki lātou te tamāloa mai te hūnako.

Gāluega 13:8

Kae na teteke ki a te ki lāua te taulāitu ko Eluma (ko tona igoa ia i te gagana Eleni), ma nae taumafai ke tataki kehe te Kōvana ke nahe talitonu ki te Atua.

Gāluega 5:28

“Na fakatonu lelei atu lava koutou e ki mātou ke nahe toe faia autou akoakoga i te igoa o te tino tēnei. Kae kikila atu ki te mea kua pa ki ei! Kua fakahalalau e koutou autou akoakoga ki Ieluhalema kātoa, ma taumafai koutou ke tukuaki mai ki a te ki mātou tona mate!”

Gāluega 5:40

Oi fakatonu ai e ki lātou ke kaumai te kau apohitolo ki te fono ma ke kini, ma fakatonu ai ke nahe ki lātou toe tautatala lele i te igoa o Iehu; oi tuku ai ke olo.

Gāluega 8:1

Ma na fiafia ia Haulo i te tāmatega o Hetefano Ko te aho lava tēnā na kāmata ai oi maua ia tagata o te Ekalehia i Ieluhalema i nā fakahāuāga kino. Ma na takape ai ki lātou ki nā kogāfenua uma o Iutea ma Hāmālia, kae vāganā ai te kau apohitolo.

2 Timoteo 3:8

E vē oi teteke ia Ianehe ma Iamele ki a Mohe, e vēnā foki oi teteke nā tino iēnei ki te meamoni — nā tino kua kino nā māfaufau ma e hē moni to lātou fakatuatua ki a Keliho.

2 Timoteo 4:15

Koe la ke fakaeteete i te tagata tēnei, auā e teteke lahi lele ki te fekau e ki tātou tālakia.