Mataio 23:12 - Tokelauan New Testament

¹² Ko ai lava e loto fakamaualuga ka fakamaulalogia, ka ko ai lava e lotomaulalo, ka fakaeke ki luga ma kavea ma tino takutakua.

Mataio 23:12 ပူးပေါင်းရင်းမြစ်များ

Mataio 18:4

Ko te tino e hili ona tāua i te Mālō o te lagi, ko te tino e ia mafaia oi loto maulalo ma vē ko te tamaiti tēnei.

Mataio 5:3

“Amutia nā tino e ki lātou iloa to lātou mātitiva i nā mea tau ki te Atua; auā e o ki lātou te Mālō o te lagi!

Luka 14:11

Auā ko nā tino e loto fakamaualuga, ka fakamaulalogia, ka ko nā tino e lotomaulalo, ka fakaeke ki luga ma kavea ma tagata takutakua.”

Luka 18:14

Kua vāgana atu ia Iehu, “E lea atu au ki a te koutou, ko te aolāfoga kae hē ko te Falehaio te tino e hako i mua o te Atua i te fanoga ki tona fale. Auā ko nā tino e loto fakamaualuga, ka fakamaulalogia! Ka ko nā tino e lotomaulalo, ka fakaeke ki luga ma kavea ma tagata takutakua.”

Iakopo 4:6

Kae ko te alofa tūnoa o te Atua e hili atu tona mālohi. E vēia oi lea mai te tuhituhiga paia, “Ko te Atua e teteke ki nā tino fakamaualuga kae fakaali tona alofa tūnoa ki nā tino loto maulalo.”

1 Petelu 5:5

E vēnā foki koutou te tupulaga, e tatau koutou ke uhitaki lelei ki toeaina. Ma e tatau koutou uma ke maua i te loto maulalo ma fehoahoani tētahi ki tētahi, e vē oi lea mai te tuhituhiga paia, “Ko te Atua e teteke ki nā tino fakamaualuga, kae alofa ki nā tino loto maulalo.”

1 Petelu 5:6

Koutou la ke maua i te loto maulalo i mua o te Atua mālohi hilihili kehe, kae ke hiki ake ai koutou e ia ki luga, i te taimi e ia filifilia.