Mataio 22:46 - Tokelauan New Testament

⁴⁶ E hēki i ei he tino na ia mafaia oi tali ki a Iehu, ma na kāmata mai i te aho tēnā, e hēki toe i ei lele he tino na toe fia toa ke fai hana fehili ki a te ia.

Mataio 22:46 ပူးပေါင်းရင်းမြစ်များ

Mataio 21:27

Oi tali atu ai loa vēnei ki lātou ki a Iehu, “E hē ki mātou iloa.” Oi vāgana atu ai ia Iehu ki a te ki lātou, “Ka hē kō taku atua foki la ki a te koutou, pe a ai te pule e kō faia ai nā mea iēnei.”

Mataio 22:45

Kāfai la ko Tavita na lea ko te Mehia ko te ‘Aliki,’ e vēhea la ona kavea he lāpuna o Tavita ma Mehia?”

Maleko 12:34

Kua hāfia e Iehu te poto o te tali kua kaumai, oi toe lea vē atu ai ki ei, “Kua hē mamao kae kavea koe ma vāega o tagata e pule ki ei te Atua.” I te uma atuga lava o te kupu tēnei a Iehu, e hēki toe i ei lele he tino na toe fia toa ke fai hana fehili ki a te ia.

Luka 13:17

Ko tana tali tēnei na lagona ai te māhiahi e nā tino nae feita ki a te ia; ka ko te kaifenua kātoa kua fiafia lahi, ona ko nā mea lelei uma na ia faia.

Luka 14:4

Kae e hēai he tino o ki lātou na tautala. Oi kave ai e Iehu te tamāloa, kua fakamālōlō, oi uga ai ke fano.

Luka 14:6

Kae kua hē mafai ke tali mai ki lātou ki te mea tēnā.

Luka 20:40

Auā e hēki toe fia toa ki lātou ke fai ki a te ia ni iētahi fehili.

Gāluega 4:14

Kae kua hēai lele ha lātou kupu e mafai ke fai, auā kua ki lātou kitea atu ko te taulealea na fakamālōlō, e tutū fakatahi mai ma ki lāua.

Gāluega 7:32

‘Ko au ko te Atua o nā tupuna o koe, te Atua o Apelaamo, o Ihaako, ma Iakopo.’ Na tete ia Mohe i te mataku, ma e hēki fofou ke kikila ki ei.