Mataio 22:42 - Tokelauan New Testament

⁴² “He ā he koutou manatu e uiga ki te Mehia? Ko he lāpuna e o ai?” Kua tali mai ki lātou, “He lāpuna e o Tavita.”

Mataio 22:42 ပူးပေါင်းရင်းမြစ်များ

Mataio 1:1

Ko te tuhi tēnei o te gafa o Iehu Keliho, na tupuga mai ia Tavita, ma ko Tavita na tupuga mai ia Apelaamo.

Mataio 14:33

Oi ifo atu ai ki a Iehu nā hoko o ia nae i luga o te vaka ma lea vē atu ki ei, “E moni lava ko koe ko te Ataliki o te Atua.”

Mataio 21:9

Ko te kaifenua nae havavali i mua o Iehu, ma ki lātou nae mulimuli mai i ona tua, kua taufai kālalaga, “Ke vīkia te Ataliki o Tavita! Ke fakamanuia e te Atua ki tē e hau i te igoa o te Aliki. Ke vīkia te Atua!”

Mataio 22:43

Oi lea atu ai ia Iehu ki ei, “He ā la te na fakaohofia ai ia Tavita e te Agaga ke lea ko te Mehia ko te ‘Aliki’? Ko Tavita na lea vē,

Mataio 9:27

Kua tukua e Iehu ia kinā, ma e havavali atu kae mulimuli atu ki a te ia ni tamāloa tāuaho e toka lua. Kua kālalaga vē atu ki a Iehu, “Te Ataliki o Tavita, alofa mai ko ki a te ki māua!”

Ioane 1:49

“Te Faiakoga,” kua tali atu ia Natanielu, “ko koe ko te Ataliki o te Atua! Ko koe ko te Tupu o Ihalaelu!”

Ioane 20:28

Kua tali atu ia Toma ki a te ia, “Toku Aliki ma toku Atua!”

Kolohe 3:11

Ma ko te mea ia, kua hē toe i ei ai he kehekehega o nā tino Iutaia ma nā tino nukukehe, nā tino kua pelitome ma ki lātou e hēki pelitomea, nā tino hē taupulea, nā tino fakapaupau, nā pologa, ma nā tino haoloto, kae ko Keliho ko te kātoaga ia o nā mea uma, ko ia e i nā mea uma.