Mataio 22:30 - Tokelauan New Testament

³⁰ Auā kāfai nā tino oti e toe tutū mai te oti, ka vē ki lātou ko nā agelu i te lagi ma ka hē fakaipoipo ki lātou.

Mataio 22:30 ပူးပေါင်းရင်းမြစ်များ

Mataio 13:43

Ka ko nā tino e faia te finagalo o te Atua, ka huhulu e vē ko te la i te Mālō o to lātou Tamana. Kāfai e i ei ni outou taliga, fakalogo mai la!

Mataio 18:10

“Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.

Mataio 22:31

Kae vē la ki nā tino oti e toe fakatutū; e hēki faitau lele nei koutou ki te mea na lea atu ai te Atua ki a te koutou? Na lea te Atua,

Mataio 24:38

Auā i nā aho ka ko hēki tupu te lolo, nae fai lava e tagata nā mea nae māhani ai; nae kakai ma inu, nae āvavaga ia tamāloloa ma fafine, ke pa lava ki te aho na fano ai ia Noa ki luga o te vaka;

Luka 17:27

Nae kakai pea lava ma inu ia tagata, nae āvavaga ia tamāloloa ma fafine ke pa lava ki te aho na fano ai ia Noa ki luga o te vaka, oi pa mai ai te lolo ma fakaumatia uma ai ki lātou.

Fakaaliga 19:10

Na fakapakū ifo au ki lalo ki tafa o ona vae ke ifo ki ei, kae kua lea vē mai ki a te au, “Nahe kē faia te mea tēnā! Ko au ko he hoa kaukauna e vē foki ko koe ma iētahi uho e pipiki pea lava ki te molimau a Iehu na fai. Ifo atu ki te Atua!” Auā ko te molimau a Iehu te na mafai ai e tagata oi folafola atu te fekau a te Atua.