Mataio 22:3 - Tokelauan New Testament

³ Kua uga atu e ia ana kaukauna ke logo te kau valakaulia ke ōmamai ki te kaiga; kae kua hē fia ōmamai ki lātou.

Mataio 22:3 ပူးပေါင်းရင်းမြစ်များ

Mataio 21:34

Kua pa ki te taimi e tau ai te tōvine, oi uga ai e ia ana kaukauna ki nā nofolihi, ke kaumai tona vāega o te helehelega.

Mataio 23:37

“Ieluhalema, Ieluhalema! Kua tāmate e koe nā pelofeta ma fetogi nā kavefekau kua uga atu e te Atua ki a te koe! E lahi lele nā taimi na fia ōpoipoi mai ai i oku lima au fānau, e vē oi fakamāopoopo mai e te kaumatua moa tana ōfaga ki lalo o ona kapahau, kae ko koutou e mumuhu!

Mataio 3:2

Kua lea vē atu, “Liliu kehe mai autou agahala, auā ko te Mālō o te lagi kua tafapili mai!”

Mataio 9:15

Kua tali mai ia Iehu ki a te ki lātou, “E mafai te kau valakaulia i he fakaipoipoga ke fakanoanoa, kāfai te tama fakaipoipo koi fakatahi ki lātou? E hē mafai! Kae e hau te aho e kave kehe ai te tama fakaipoipo mai ia te ki lātou, oi fātoā fakalāina ai ki lātou.”

Luka 13:34

“Ieluhalema, Ieluhalema! Kua tāmate e koe nā pelofeta ma fetogi nā kavefekau kua uga atu e te Atua ki a te koe! E lahi lele nā taimi na fia ōpoipoi mai ai i oku lima au fānau, e vē oi fakamāopoopo mai e te kaumatua moa tana ōfaga ki lalo o ona kapahau, kae ko koutou e mumuhu!

Luka 15:28

“Kua ita lahi lele te ulumatua, ma kua muhu oi fano ki loto o te fale; oi hau ai ki fafo tona tamana, oi tauanau ke fanake ki lotofale.

Luka 19:27

Kae vē la ki nā fili o oku nae hē fofou ke kavea au ma o lātou tupu, kaumai ki kinei ki oku mua oi tāmate ai!’ ”

Ioane 5:40

kae e hē fia ōmamai lava koutou ki a te au, kae ke koutou maua ai te ola.

Gāluega 13:45

I te kitea atuga e nā tino Iutaia te kaifenua tokalahi, oi fakatumulia ai ki lātou i te lotokino; kua taku pepelogia e ki lātou nā mea e lea ai Paulo, ma faikupu kino ki ei.

Loma 10:21

Kae na lea vē e uiga ki tagata o Ihalaelu, “I te aho kātoa e falōlō atu oku lima ke toe foki mai oku tagata hē uhitaki ma fakatuikehe.”

Epelu 12:25

Tautuanā la ma koutou e hē koutou tetekeagia te tino tēia e tautala. Ko nā tino nae teteke ki te tino na kaumaia ki te lalolagi te fekau mai te lagi, e hēki fakahaoa. Ka hē hili atu nei la te hē mafai ona fakahaogia o ki tātou, kāfai ki tātou e teteke ki te tino e tautala hako ifo mai te lagi ki a te ki tātou?

Epelu 9:15

Ko Keliho la te na fautua ke i ei he feagaiga fou, kae ke mafai ai ke maua ki lātou kua filifilia e te Atua, te fakamanuiaga e fakavavau kua uma te ia folafolagia. E mafai te mea tēnei ke tupu, auā ko Keliho na mate ma ko tona mate, e fakahaoloto ai ia tagata mai o lātou hehē i te taimi o te feagaiga muamua.

Fakaaliga 22:17

Kua lea vē te Agaga ma te Teine Fakaipoipo, “Hau!” Ko ai lava e ia lagona te mea tēnei, e tatau foki ke lea, “Hau!” Ko ai lava e fia inu, hau oi talia te vai o te ola, e hēai he totogi.