Mataio 22:23 - Tokelauan New Testament

²³ I te aho lava tēnā, na ōmamai ai ni tino o te kau Hatukaio ki a Iehu ma to lātou talitonuga, e hē mafai nā tino ke toe tutū mai i te oti.

Mataio 22:23 ပူးပေါင်းရင်းမြစ်များ

Mataio 16:6

Kua vāgana atu ia Iehu ki a te ki lātou, “Koutou ke mataala ma fakaeteete lele i te mea fakafefete a te kau Falehaio ma te kau Hatukaio.”

Mataio 3:7

Kae i te kitea atuga e Ioane te tokalahi o te kau Falehaio ma te kau Hatukaio kua ōmamai ke papatiho ki lātou e ia, oi lea vē atu ai ki ei, “Koutou fānau a gata — ko ai te na lea atu e mafai koutou ke hao i te fakahalaga a te Atua kua tali pa mai?

Gāluega 4:1

Koi tautatala atu ia Petelu ma Ioane ki tagata kae taunuku mai ni ohitāulaga, te takitaki o nā leoleo o te Mālumalu, ma iētahi o te kau Hatukaio.

Gāluega 5:17

Oi lagona ai te lotokino lahi e te Ulu Ohitāulaga ma ona hoa uma, ni tino o te kau Hatukaio, ki te kau apohitolo;

2 Timoteo 2:18

Kua olo kehe ki lāua ma te meamoni ma kua āfāina ai te talitonuga o iētahi, ona e lea vē ko te toetū ko he mea kua uma te fakatino.