Mataio 22:16 - Tokelauan New Testament

¹⁶ Oi uga ai e ki lātou ki a Iehu ni tino o nā hoko o ki lātou fakatahi ma ni tino o te vāega e kau ki a Helota. Kua fehili atu ki lātou iēnei ki a Iehu, “Te Faiakoga, e iloa e ki mātou ko koe e tautala i te meamoni. E akoako e koe te meamoni e uiga ki te finagalo o te Atua mo tagata, ma e hē popole lele koe pe i na vēhea ake ni manatu o tagata, auā e tutuha ia tagata uma ia te koe.

Mataio 22:16 ပူးပေါင်းရင်းမြစ်များ

Mataio 22:24

Kua lea atu ki lātou, “Te Faiakoga, e lea mai ia Mohe kāfai he tamāloa e oti kae hēai hana fānau, e tatau tona uho ke fakaipoipo ma te fafine kae ke maua ai he fānau e mafai ke takua e a tona uho kua oti.

Mataio 22:26

Na vēnā foki te mea na tupu ki te uho tona lua, ma tona tolu, ma na pa lava ki te kau uho uma e toka fitu.

Mataio 26:18

Kua lea atu ia Iehu ki a te ki lātou, “Olo ki he tamāloa i te kakai ma lea vē ki ei: ‘Lea mai te Faiakoga, Ko toku taimi kua pa mai; ko oku hoko ma au ka oatu mo te Kaiga Fakamanatu o te Pāheka i tō fale.’ ”

Mataio 26:49

Oi havali hako atu ai loa ia Iuta ki a Iehu ma lea vē atu ki ei, “Mālō ni te Faiakoga!” ma hogi atu ki ei.

Maleko 10:17

Kua toe fakaauau te malaga a Iehu, kae vili mai he tamāloa oi tōtuli i mua o ia kae fehili vē atu ki ei, “Te Faiakoga lelei, he ā nei te tatau ke kō faia kae ke maua ai e au te ola e fakavavau?”

Maleko 12:13

Kua uga atu ni tino o te kau Falehaio ma ni tino o te vāega e kau ki a Helota, ke tau lamalama ia Iehu i ni fehili.

Maleko 12:14

Kua lea vē atu ki lātou ki a Iehu, “Te Faiakoga, e iloa e ki mātou ko koe e tautala i te meamoni, e aunoa ma he popole pe vēhea ake ia manatu o tagata. E hē kē amanakia he tino ona ko hona tūlaga, kae e akoako lava e koe te meamoni e uiga ki te finagalo o te Atua mo tagata. Lea mai ake, e fakataga i te tātou Tūlāfono ke totogi nā lāfoga ki a Kaihala? E tatau nei ke totogi e ki tātou pe hēai?”

Maleko 3:6

Oi olo ai te kau Falehaio ki fafo, kua taupulepule vave ma ni tino o te vāega e kau ki a Helota, ki he faiga ke tāmate ai ia Iehu.

Maleko 8:15

Kua apoapoaki atu ia Iehu ki a te ki lātou, “Koutou ke mataala ma fakaeteete lele i te mea fakafefete a te kau Falehaio, ma te mea fakafefete a Helota.”

Luka 20:21

Kua lea vē atu nā tamāloa tau fakalata iēnei ki a Iehu, “Te Faiakoga, e iloa e ki mātou ko nā mea e lea mai ai koe ma au akoakoga, e hako. E iloa e ki mātou e hē kē amanakia he tino ona ko hona tūlaga, kae e akoako lava e koe te meamoni e uiga ki te Atua ma tona finagalo mo tagata.

Luka 7:40

Oi lea atu ai ia Iehu ki ei, “Himona, e i ei te mea e fia lea atu ai au ki a te koe.” Kua lea atu ia Himona, “Io, te Faiakoga, lea mai ake pe he ā.”

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Ioane 18:37

Oi fehili atu ai ia Pilato ki ei, “Ko koe la ko he tupu, ni?” Ka kua tali mai ia Iehu, “Ko koe tēnā e lea ko au he tupu. Ko au na fānau mai ma na hau ki te lalolagi nei ke molimau ki te meamoni. Ko ki lātou uma e i te meamoni, e uhitaki mai ki a te au.”

Ioane 7:18

Ko te tino e tautala i tana lava pule, e ia hakilia ni ona lava vīkiga. Ka ko te tino e ia hakilia he vīkiga mo tē na ia uga maia ia, e hako lava ia, ma e hēai he mea e fokotahi e hehē ai.

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

2 Kolinito 5:16

Ko te mea ia, e kāmata atu nei, e hē toe ki tātou fakamahinoa he tino, i te kikilaga fakatetagata. E ui lava na i ei te taimi na ki tātou fakamahinoa ai ia Keliho i te kikilaga fakatetagata, kae kua hē toe fai vēnā e ki tātou nei.

Kalatia 1:10

Ko au e hē lea vēnei atu ona ko au e fofou ki te mea e fiafia ai ia tagata. Hēai! Ko te mea e fofou au ki ei, ko te mea e fiafia ki ei te Atua. Ko au e hē taumafai ke fiafia mai ia tagata ki a te au. Kāfai ko tēnei te mea e fai e au, ko au la e hē ko he kaukauna e a Keliho.

Kalatia 2:6

Ko iētahi o ki lātou nae lea ko ki lātou ni takitaki — ko au e lea vēnei atu auā e hē tāua ia te au pe ko ai ki lātou iēnei; ko te Atua e hē fakamahino i te kikila atu i fafo — ko ki lātou iēnei e lea atu au, e hēki fakaopoopoa lele he lātou mea fou e fokotahi ki te Tala Lelei e kō tālakia.

1 Tehalonia 2:4

Kae ko ki mātou e tautatala lava i te mea e fofou ki ei te Atua, auā kua uma te ia fakatagagia o ki mātou, ke tālakia te Tala Lelei. E hē taumafai ki mātou ke fai te mea e fiafia ki ei ia tagata, kae ko te mea e fiafia ki ei te Atua, tē e ia kiteagia nā mea i o mātou loto.

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.