Mataio 22:13 - Tokelauan New Testament

¹³ Oi lea atu ai te tupu ki nā kaukauna, ‘Noanoa ona vae ma ona lima oi togi ai ki fafo ki te pōgihā. I kinā, ka tagi ai ma katigū ona nifo.’ ”

Mataio 22:13 ပူးပေါင်းရင်းမြစ်များ

Mataio 12:29

“E hē mafai he tino ke fano ki loto o te fale o he tagata mākeke ke kaihohoa ana mea; heiloga e mua noanoa e ia te tagata mākeke, oi fātoā ia mafaia ai oi kaihohoa nā mea uma i tona fale.

Mataio 13:30

Kae tuku vēia nā haito ma nā vao kino ke ola fakatahi ake ke pa ki te taimi o te helehelega. Ka lea au ki nā tino helehele haito ke laga muamua ki luga nā vao kino ma tanoa lulukuga, ma huhunu. Oi fātoā fakaputu mai ai nā haito ma kave ki loto o toku fale haito.’ ”

Mataio 13:42

ma toli ki loto o te afi kakaha, te mea ka lauē ma katigū ai o lātou nifo.

Mataio 13:50

oi togi ai ki te afi kakaha, te mea ka lauē ma katigū ai o lātou nifo.”

Mataio 24:51

Ka tukimomo lele ia e tona matai oi tuku atu ai ki te mea e i ei ai nā tino fakagutugutulua. I kinā, ka tagi ai ma katigū ona nifo.

Mataio 25:30

Kae vē la ki te kaukauna kino tēnei — togi ki fafo ki te pōuli; i kinā ka tagi ai ma te katigū o ona nifo.’

Mataio 8:12

Kae ko nā tino e tatau ke i loto i te Mālō, ka togi ki fafo ki te pōuli, ki te mea ka lauē ma katigū ai o lātou nifo.”

Luka 13:28

Ka lauē ma katigū outou nifo kāfai e koutou kitea atu ia Apelaamo, ia Ihaako ia Iakopo, ma nā pelofeta uma lele i te Mālō o te Atua, i te taimi e togi ai koutou ki fafo!

Ioane 21:18

E takutino atu e au ki a te koe te meamoni; ka koi tamaiti koe, nae fai lava e koe tō fuhipaku ma fano ki ho he mea e fia fano koe ki ei; kae kāfai koe e matua, ka falōlō atu ō lima, oi ōmamai ai nā tino oi fai tō fuhipaku, ma kave koe ki he mea e hē fia fano koe ki ei.”

Gāluega 21:11

Kua hau ki a te ki mātou ma tago ki te lītua o Paulo, ma noanoa ai lava e ia ona vae ma ona lima, oi lea vē ai, “Ko tēnei te vāgana a te Agaga Paia: Ko te tino e o ia te lītua tēnei, ka noanoa vēnei lava e tagata Iutaia i Ieluhalema, oi tukulima atu ai e ki lātou ki tagata nukukehe.”

Gāluega 7:54

Ka koi fakalogologo te Taupulega ki a Hetefano, ka kua kāmata oi feita lahi ma katigū o lātou nifo i o lātou fēkakai.

2 Tehalonia 1:9

Ka puapuagā ki lātou i te fakahalaga ke pa ki te fakavavau, ma kave kehea mai i te mea e i ei te Aliki ma te uiga kehe o tona mālohi,

2 Petelu 2:17

Ko nā tino iēnei e vē ni vaipuna kua māmaha, e vē ni ao e pūhia i he afā; kua uma te fakaavanoa e te Atua to lātou nofoaga i te mea e pito hili te loloto ma te pōgihā.

2 Petelu 2:4

E hēki fakahaoa e te Atua nā agelu na agahala, kae na togi ki heoli, te mea e noanoa ai i nā filifili i te pōgihā, ma fakatalitali ai mo te Aho Fakamahino.

Iuta 1:13

E vē ki lātou ko nā galu o he tai hou, ko te takāpia o a lātou āmio mātagā, e togi ake ki te matāfaga. E vē ki lātou ko nā fetu e eva holo, ma kua uma te hāunia e te Atua he nofoaga i te lolotoga o te pōgihā, ke nonofo ai pea ki lātou ke pa ki te fakavavau.

Iuta 1:6

Ke manatua e koutou ko nā agelu e hēki tauhihi ki te tūlaga e gata mai ai te pule na tuku ake ki a te ki lātou e te Atua, na tīaki e ki lātou to lātou nofoaga tōtino; kua fakatonu e te Atua ke haihai ki lātou i ni filifili ke pa ki te fakavavau i te pōgihā i lalo, te mea e tuku ai lava ki lātou ke pa ki te fakamahinoga i te Aho lahi.

Fakaaliga 21:27

Kae ka hēai lele he mea e hē mamā e fakaulu ki loto o te kakai, pe he tino e fai āmio mātagā pe talapepelo. Nā ko nā tino lava e tūhia o lātou igoa i te tuhi o te ola a te Punuamāmoe, te ka mafai oi ulufale ki loto o te kakai.