Mataio 22:12 - Tokelauan New Testament

¹² Kua fehili atu te tupu ki ei, ‘Te uho, e vēhea ona hau koe ki loto i kinei kae hēai ni o kofu lelei mo te fakaipoipoga?’ Kae e hēki tali ki ei te tamāloa.

Mataio 22:12 ပူးပေါင်းရင်းမြစ်များ

Mataio 20:13

“Oi tali atu ai te faitōvine ki hētahi o ki lātou, ‘Te uho, fakalogo mai koe. E hēai haku mea piko kua fai ki a te koe. E hēki mālilie fakatahi nei ki tāua ke totogi koe i te totogi māhani e tahi te tupe hiliva i te aho?

Mataio 26:50

Kua tali mai ia Iehu, “Te uho, fai loa te mea na hau ai koe!” Oi ōmamai ai kua puke e ki lātou ia Iehu.

Mataio 5:20

Auā e lea atu au ki a te koutou, e fātoā mafai oioti koutou ke hao atu ki te Mālō o te lagi, pe kāfai e hili atu te koutou fakamāoni i te tauhi ki nā Tūlāfono, i lo nā faiakoga o te Tūlāfono ma te kau Falehaio.

Loma 3:19

Nei, kua iloa e ki tātou ko ho he mea lava e lea mai ai te Tūlāfono, e fakaaga ki a te ki lātou e i lalo o te Tūlāfono, kae ke mafai ai ke tapuni ia gutu o tagata uma, ma kaumai ai te lalolagi kātoa ki lalo o te fakamahinoga a te Atua.

1 Kolinito 4:5

E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.

Tito 3:11

E iloa e koe ko nā tino vēnei kua nunumi nā māfaufau, ma ko a lātou agahala e fakamāonia ai to lātou hehē i mua o te Atua.