Mataio 21:43 - Tokelauan New Testament

^43-44 Kua toe vāgana atu ia Iehu, “Ko te mea ia e lea atu ai au ki a te koutou, ko nā fakamanuiaga e maua mai i te pule a te Atua ka kave kehe mai ia te koutou ma fōki ki nā mālō e ki lātou faia te finagalo o te Atua.”

Mataio 21:43 ပူးပေါင်းရင်းမြစ်များ

Mataio 12:28

Hēai, e hē ko Pelehepulo kae ko te Agaga o te Atua te fōki maia ki a te au te pule ke tuli ai nā tēmoni ki fafo, ma e fakamāonia ai ko te Mālō o te Atua kua i kinei ia te koutou.

Mataio 21:41

Kua tali atu ki lātou, “E mautinoa lava ka tāmate e ia iēnā tino agahala, oi lihi ai te tōvine ki ni iētahi nofolihi e mautinoa e ki lātou totogi maia tona vāega, i nā taimi o te helehelega.”

Mataio 21:42

Kua vāgana atu ia Iehu ki a te ki lātou, “E hēki faitau lele nei koutou ki nā Tuhituhiga Paia e lea mai: ‘Ko te fatu na tīaki e nā faufale e hē aogā kua kavea ma fatu e pito hili atu ona tāua. Ko te mea tēnei na fai e te Aliki; kai te manaia i te kikila ki ei.’ ”

Ioane 3:3

Kua tali mai ia Iehu, “E takutino atu e au ki a te koe te meamoni, e hēai he tino e mafai ke ia kitea te Mālō o te Atua, heiloga kua toe fānau fougia.”

Ioane 3:5

Kae kua tali mai ia Iehu, “E takutino atu e au ki a te koe; e hēai he tino e mafai ke hao atu ki te Mālō o te Atua, heiloga kua fānau mai i te vai ma te Agaga.

1 Kolinito 13:2

Kāfai e ia te au te mana e folafola ai te fekau mai te Atua; kāfai au e mālamalama i nā mealilo uma ma te poto; kāfai e ia te au te fakatuatua e mafai ai ke fakagaoi ia mauga — kae e hē ia te au te alofa, e hēai hoku aogā.

1 Petelu 2:9

Kae ko koutou ko nā tino filifilia o te Atua, ko nā ohitāulaga a te Tupu, ko nā tino o te mālō paia, ko nā tōtino o te Atua na filifilia ke fakailoa ki tagata ia gāluega ofoofogia a te Atua, tē na kalagagia koutou ka koi i te pōuliuli ai koutou, ke ōmamai ki te gali o tona mālamalama.