Mataio 21:32 - Tokelauan New Testament

³² Auā na hau ia Ioane te Papatiho ki a te koutou ma fakahino atu te ala tonu ke havavali ai, kae e hēki mafai koutou ke talitonu ki a te ia; kae na talitonu nā aolāfoga ma fafine talitāne. Na kitea foki lava e koutou te mea tēnei, kae e hēki toe hui ai outou māfaufau mulimuli, ma talitonu ki a Ioane.”

Mataio 21:32 ပူးပေါင်းရင်းမြစ်များ

Mataio 11:18

I te hauga o Ioane, nae fakalāina ma hēki inu ki he uaina, kae kua lea vē nā tino, ‘E ulufia e he tēmoni!’

Mataio 21:25

Ko te pule a Ioane na fai ai tana papatihoga na hau mai fea: na hau mai te Atua pe mai tagata?” Kua kāmata oi fai fīnauga ki lātou ma lea vē tētahi ki tētahi, “Kāfai ki tātou e lea, ‘E mai te Atua,’ ka lea mai nei ki a te ki tātou, ‘He ā la te hēki talitonu ai koutou ki a Ioane?’

Mataio 21:31

Ko ai o te toka lua tēnei na fai e ia te mea na fofou ki ei to lā tamana?” “Ko te tino matua,” kua tali mai ki lātou. Oi vāgana atu ai ia Iehu ki ei, “Ko au e lea atu moni ki a te koutou, ka muamua oi olo nā aolāfoga ma fafine talitāne ki te Mālō o te Atua, i lo koutou.

Mataio 5:46

Auā kāfai koutou e alolofa oioti ki nā tino e alolofa atu ki a te koutou, he ā te ka maua tauanoa ai he koutou taui? E pa foki lava ki nā aolāfoga e fai e ki lātou te mea tēnā!

2 Timoteo 2:25

e fakatonu mālie atu ki nā tino e fīnau mai. Ka ono tuku atu e te Atua ki a te ki lātou te avanoa ke halamō ai, ma ki lātou iloa ai te meamoni,

Epelu 3:12

Koutou la ke mataala te kau uho, kae ke nahe i ei lele he tino o koutou e ia te ia he loto kino ma te hē talitonu, ma liliu kehe ai mai te Atua e ola.

2 Petelu 2:21

Na hili lele atu ai kana he mea e hēki ki lātou iloa te auala o te āmiotonu, i lo te iloa kae toe liliu kehe mai nā fakatonuga paia na tuku ake ki a te ki lātou.

Fakaaliga 2:21

Kua kō tukua ki ei he taimi ke halamō ai i ana agahala, kae e hē fofou ke liliu kehe mai nā tuinanauga mātagā o te tino.