Mataio 21:31 - Tokelauan New Testament

³¹ Ko ai o te toka lua tēnei na fai e ia te mea na fofou ki ei to lā tamana?” “Ko te tino matua,” kua tali mai ki lātou. Oi vāgana atu ai ia Iehu ki ei, “Ko au e lea atu moni ki a te koutou, ka muamua oi olo nā aolāfoga ma fafine talitāne ki te Mālō o te Atua, i lo koutou.

Mataio 21:31 ပူးပေါင်းရင်းမြစ်များ

Mataio 12:50

Ko ai lava e ia faia te finagalo o toku Tamana i te lagi, ko toku uho tēnā, ko toku tuafafine tēnā ma toku mātua tēnā.”

Mataio 18:3

oi vāgana atu ai, “E takutino atu e au ki a te koutou, kāfai koutou e hē hūia ma kavea ke vē ni tamaiti, ka hē mafai lele koutou ke hao atu ki te Mālō o te lagi.

Mataio 20:16

Kua fakauma te akoakoga a Iehu oi lea vē atu ai, “Ko te mea ia, ko ki lātou e mulimuli ka kavea ma muamua, ka ko ki lātou e muamua ka kavea ma mulimuli.”

Mataio 21:30

Oi fano ai foki te tamana ki tētahi ona ataliki ma lea vēnā foki ki ei. ‘Io kua lelei toku tamana,’ kua tali atu vēnā te ataliki, kae mulimuli ake e hēki fano.

Mataio 5:18

Auā e takutino atu e au ki a te koutou, ka ko hēki mavae atu te lagi ma te lalolagi, e hēai he mea e tōkehea mai i te Tūlāfono, ke pa lava ki he koma pe he mataituhi — heiloga kua taunuku nā mea uma.

Mataio 5:46

Auā kāfai koutou e alolofa oioti ki nā tino e alolofa atu ki a te koutou, he ā te ka maua tauanoa ai he koutou taui? E pa foki lava ki nā aolāfoga e fai e ki lātou te mea tēnā!

Mataio 6:5

“Kāfai koutou e tatalo, ia koutou nā vē ko faiga a nā tino āmio pepelo. E fiafia oi tutū ma tatalo i loto o nā hūnako ma nā auala kae ke kitea ki lātou e tagata. E takutino atu e au ki a te koutou, ko tēnā oioti lava to lātou taui ka maua.

Mataio 7:21

“E hē ko te tino e lea mai ki a te au, ‘Te Aliki, Te Aliki’ te hao ki te Mālō o te lagi, kae ko te tino e ia faia te finagalo o toku Tamana i te lagi.

Mataio 9:9

Kua fano kehe ia Iehu ma kinā, ma e havali atu kae ia kitea atu he aolāfoga e igoa ki a Mataio, e nofo mai i loto o tona ofiha. Oi vāgana atu ia Iehu ki ei, “Mulimuli mai ki a te au.” Oi tū ai ki luga ia Mataio kua mulimuli ki a Iehu.

Luka 15:10

E lea atu au ki a te koutou, ka fiafia lahi ia agelu a te Atua, ona ko he tino agahala e fokotahi kua halamō.”

Luka 19:22

Kae kua lea atu ki ei te tupu, ‘Ko koe ko he kaukauna kino! Ko nā kupu lava mai tō gutu ka kō fakahalagia ai koe. Ko tēnā e kē iloa ko au he tagata faigatā, e kō kavea nā mea e hē āku, ma kō helehelea nā mea e hēki kō totōa.

Luka 7:29

Ko nā tino uma lele nae fakalogologo ki a Ioane; ma e pa foki lava ki nā aolafoga, na uhitaki ki te Atua ma na ki lātou faia te mea e hako i te kua oatu ke papatiho ki lātou e Ioane.

Ioane 3:3

Kua tali mai ia Iehu, “E takutino atu e au ki a te koe te meamoni, e hēai he tino e mafai ke ia kitea te Mālō o te Atua, heiloga kua toe fānau fougia.”

Ioane 3:5

Kae kua tali mai ia Iehu, “E takutino atu e au ki a te koe; e hēai he tino e mafai ke hao atu ki te Mālō o te Atua, heiloga kua fānau mai i te vai ma te Agaga.

Gāluega 17:30

Kua hē toe taua e te Atua nā aho nae hē iloa ai ia e tagata, kae i te taimi nei, kua fakatonu e ia ia tagata uma i ho he koga o te lalolagi, ke liliu kehe mai o lātou uiga kino.

Loma 3:19

Nei, kua iloa e ki tātou ko ho he mea lava e lea mai ai te Tūlāfono, e fakaaga ki a te ki lātou e i lalo o te Tūlāfono, kae ke mafai ai ke tapuni ia gutu o tagata uma, ma kaumai ai te lalolagi kātoa ki lalo o te fakamahinoga a te Atua.

Loma 5:20

Ko te Tūlāfono na tuku mai ke fakaatili ai te lahi o te holi tūlāfono; kae kāfai e lahi te agahala, ka hili atu la te lahi o te alofa tūnoa o te Atua.

2 Petelu 3:9

Ko te mea kua uma te folafola e te Aliki e hē tuai te fakataunukuga e ia, e vē oi manatu iētahi tino. Kae e onohai pea lava ia, auā e hē fofou ke i ei he tino o koutou e fakaumatia, kae e fofou ko tagata uma ke liliu kehe mai a lātou agahala.