Mataio 21:29 - Tokelauan New Testament

²⁹ Kua tali mai tona ataliki, ‘Ko au e hē fano.’ Kae mulimuli ake, kua toe hui tona māfaufau ma na fano ai oi galue.

Mataio 21:29 ပူးပေါင်းရင်းမြစ်များ

Mataio 21:28

“He ā nei he koutou manatu? Nae i ei he tamana ma ona ataliki e toka lua. Kua fano te tamana ki tona ataliki matua ma lea vē ki ei, ‘Toku ataliki, fano oi galue i te tōvine i te aho nei.’

Mataio 21:30

Oi fano ai foki te tamana ki tētahi ona ataliki ma lea vēnā foki ki ei. ‘Io kua lelei toku tamana,’ kua tali atu vēnā te ataliki, kae mulimuli ake e hēki fano.

Mataio 21:31

Ko ai o te toka lua tēnei na fai e ia te mea na fofou ki ei to lā tamana?” “Ko te tino matua,” kua tali mai ki lātou. Oi vāgana atu ai ia Iehu ki ei, “Ko au e lea atu moni ki a te koutou, ka muamua oi olo nā aolāfoga ma fafine talitāne ki te Mālō o te Atua, i lo koutou.

Gāluega 26:20

Muamua i Tamaheko ma Ieluhalema ma vēnā i te fenua kātoa ko Iutea, ma i nā mea e nonofo ai ia tagata nukukehe, na folafola e au ko ki lātou e tatau ke halamō ia lātou agahala ma liliu ki te Atua, ma ke fakatino e ki lātou nā mea e fakailoa ai to lātou halamō moni.

1 Kolinito 6:11

Ko iētahi o koutou nae vēnei. Kae ko koutou kua uma te fakamamāgia mai te agahala; ko koutou kua uma te ofo atu mo te Atua; kua uma te fakalelei o te koutou va ma te Atua e te Aliki ko Iehu Keliho ma te Agaga o to tātou Atua.