Mataio 21:11 - Tokelauan New Testament

¹¹ “Ko te pelofeta tēnei ko Iehu, mai Nahaleta i Kalilaia,” kua tali vē mai te kaifenua na ōmamai fakatahi ma Iehu.

Mataio 21:11 ပူးပေါင်းရင်းမြစ်များ

Mataio 2:23

ma nofo ai i te kakai e igoa ko Nahaleta. Na taunuku ai te kupu a nā pelofeta: “Ka fakaigoa ia ko he ha-Nahaleta.”

Mataio 21:10

I te ulu atuga o Iehu ki loto o Ieluhalema, oi vevehi lahi lele ai te kakai kātoa ma kua lea vē nā tino, “Ko ai te tino tēnei?”

Mataio 21:26

Kae kāfai ki tātou e lea, ‘E mai tagata,’ e popole foki ki tātou ki he mea e ono fai e nā tino, auā e talitonu uma ki lātou, ko Ioane ko he pelofeta.”

Mataio 21:46

oi taumafai ai loa ki lātou ke puke ia Iehu. Kae nae mātataku i te kaifenua, auā ko nā tino e talitonu lava, ko Iehu ko he pelofeta.

Maleko 6:15

Kae ko iētahi kua lea vē, “Ko Elia tēnei.” Ka ko iētahi kua lea vē, “He pelofeta tēnei, e vē lava ko nā pelofeta i nā aho kua leva.”

Luka 13:33

Kae e tatau lava ke fakaauau taku malaga i te aho nei, taeao, ma te aho e hohoko mai; auā e hē tatau ke tāmate he pelofeta i hētahi mea, vaganā ai i Ieluhalema.

Luka 24:19

Kua fehili atu ia Iehu, “Ni mea ā?” Kua tali atu ki lāua, “Na mea na tutupu ki a Iehu te Nahaleta. Na kitea i ana mea nae fai, ma ana kupu, ko ia ko he pelofeta e tūkehe te mālohi, ma nae fiafia ki ei te Atua ma tagata uma.

Luka 7:16

Na mātataku uma lele ki lātou, ma viviki ake ai ki te Atua. Kua lea vē ki lātou, “Ko he pelofeta tāua tēnei kua kikila ki tātou ki ei! Ko te Atua kua hau ke fakaola ona tagata!”

Luka 7:39

I te kitea atuga e te Falehaio o te mea tēnei, oi lea vē ifo ai i tona loto, “Kāfai e moni ko te tagata tēnei he pelofeta, kua tatau ke ia iloa pe ko ai te fafine tēnei, kae pe he itūkāigā fafine vēhea foki tēia e pa ake ki a te ia; kua tatau ke ia iloa ko te fafine e ola i he ōlaga agahala!”

Ioane 1:21

“Ko ai la koe?” kua fehili vē mai ki lātou. “Ko koe nei ko Elia?” “Hēai, e hē ko au,” kua tali atu ia Ioane. “Ko koe nei la ko te Pelofeta?” kua lea mai ki lātou. “Hēai,” kua tali atu ia Ioane.

Ioane 1:25

kua fehili vē atu ki a Ioane, “He ā la te papatiho ai e koe nā tino kāfai ko koe e hē ko te Mehia, pe ko Elia pe ko te Pelofeta?”

Ioane 4:19

Kua lea atu te fafine, “Te aliki, ko taku kikila atu, ko koe ko he pelofeta.

Ioane 6:14

I te kiteaga e nā tino te fakailoga na fai e Iehu, oi lea vē ai ki lātou, “E hako lava ko te Pelofeta tēnei na tuku e hau ki te lalolagi!”

Ioane 7:40

Ko iētahi tino i te kaifenua na ki lātou lagona nā kupu tēnei a Iehu, kua lea vē, “E hako lava ko te tagata tēnei ko te Pelofeta!”

Ioane 9:17

Oi toe fehili ai foki te kau Falehaio ki te tamāloa, “He ā hau fakamatalaga e mafai ke fai e uiga ki te tino e lea koe na ia fakapupulagia ō mata?” “Ko te tino ko he pelofeta,” kua tali atu te tamāloa.

Gāluega 7:37

Ko Mohe te tino na lea vē ki tagata Ihalaelu, ‘Ka uga mai e te Atua he pelofeta, e vē lava oi ia uga maia au, he tino lava mai outou tagata.’