Mataio 20:30 - Tokelauan New Testament

³⁰ E toka lua ia tamāloa tāuaho nae nonofo i tafa o te auala. I te lagona atuga e ki lāua ko Iehu e kui mai i te mea e i ei ki lāua, oi kāmata loa oi tau kālalaga vē atu ki ei, “Te Ataliki o Tavita, alofa mai ko ki a te ki māua!”

Mataio 20:30 ပူးပေါင်းရင်းမြစ်များ

Mataio 13:4

I te lūlūga e ia o nā fatu haito, na pakukū ai iētahi fatu haito ki luga o te auala, oi ōmai ai nā manulele oi kai uma lele.

Mataio 15:22

Oi hau ai te fafine Kanana e nofo i te kogāfenua tēnā, e tagi ma kalaga vē atu ki a Iehu, “Te Aliki! Te Ataliki o Tavita, alofa mai ko ki a te au. Ko taku tama teine e ulufia e he tēmoni oi e i he tūlaga kino lahi lele.”

Mataio 20:31

Kua mumuna mai ki ei te kaifenua ma lea ki ei ki lāua nahe piha, kae kua ātili ai te tau kālalaga leo lahi vē atu, “Te Aliki, te Ataliki o Tavita, alofa mai ko ki a te ki māua!”

Mataio 21:14

Oi ōmamai ai nā tāuaho ma nā pipili ki a te ia i te Mālumalu, ma fakamālōlō ai ki lātou e ia.

Mataio 21:9

Ko te kaifenua nae havavali i mua o Iehu, ma ki lātou nae mulimuli mai i ona tua, kua taufai kālalaga, “Ke vīkia te Ataliki o Tavita! Ke fakamanuia e te Atua ki tē e hau i te igoa o te Aliki. Ke vīkia te Atua!”

Mataio 22:42

“He ā he koutou manatu e uiga ki te Mehia? Ko he lāpuna e o ai?” Kua tali mai ki lātou, “He lāpuna e o Tavita.”

Maleko 10:46

Kua tau atu ki lātou ki Ieliko, ma i te taimi ka toe olo kehe ai ia ma ona hoko ma he kaifenua e tokalahi, kae e nofo mai i tafa o te auala he tāuaho ko tana māhani ko te kaitagōgō ki tagata e holo ake. Ko tona igoa ko Patimaio te ataliki o Timaio.

Luka 4:18

“Ko te Agaga o te Aliki e i luga o oku, auā kua ia fakaukua au, ke tālakia te tala lelei ki nā tino mātitiva. Kua ia uga maia au ke folafola te fakahaolotoga o tagata e nonofo haihaitia ma te fakapupulaga o mata o tāuaho, ke fakahaoloto nā tino e fai kino ki ei ia tagata,

Luka 7:21

I te taimi tēnā, na fātoā uma te fakamālōlō e Iehu o nā tino e tokalahi mai nā tauale, nā fāmai pēhi, nā agaga kino, ma fakapupula nā mata o nā tāuaho e tokalahi.

Gāluega 2:30

Nae he pelofeta ka koi ola ai, ma na ia iloa te folafolaga a te Atua na fai e uiga ki a te ia: na fai te tautōga a te Atua ka ia faia he lāpuna o Tavita ke kavea ma tupu e vē foki lava ko Tavita.