Mataio 20:26 - Tokelauan New Testament

²⁶ Kae ko koutou e hē vēnā; ko ai lava o koutou e fia kavea ma pule, e tatau te tino tēnā ke fai ma kaukauna ki iētahi o koutou;

Mataio 20:26 ပူးပေါင်းရင်းမြစ်များ

Mataio 20:27

ma ko ai lava o koutou e fia kavea ma muamua, e tatau te tino tēnā ke fai ma tāvini ki iētahi o koutou —

Mataio 25:44

“Oi ka tali mai ki lātou ki a te ia, ‘Te Aliki, ko anafea nei te na ki mātou kitea ai koe e fia kaia pe fia inu, pe he tagata kehe, pe hē lavalavā, pe tauale pe i te fale puipui, kae hēki fehoahoani atu ki mātou ki a te koe?’

Mataio 27:55

E tokalahi nā fafine nae mulimuli ki a Iehu mai Kalilaia ma fehoahoani ki ei, nae i kinā ma nae taukikila mamao atu.

Maleko 10:43

Kae ko koutou e hē vēnā; ko ai lava o koutou e fia kavea ma pule, e tatau te tino tēnā ke fai ma kaukauna ki iētahi o koutou;

Maleko 10:45

Auā e pa foki lava ki te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Maleko 9:35

Na nofo ifo loa ki lalo ia Iehu, ma tautapa atu ki ona hoko e toka hefululua ke hōhō ake ki a te ia, oi lea vē atu ai ki ei, “Ko te tino e fia kavea ma muamua, e tatau ke ia tukua ia ia lava ke kavea ma mulimuli, ma fai ma tāvini ki tagata uma.”

Luka 18:14

Kua vāgana atu ia Iehu, “E lea atu au ki a te koutou, ko te aolāfoga kae hē ko te Falehaio te tino e hako i mua o te Atua i te fanoga ki tona fale. Auā ko nā tino e loto fakamaualuga, ka fakamaulalogia! Ka ko nā tino e lotomaulalo, ka fakaeke ki luga ma kavea ma tagata takutakua.”

Luka 22:26

Kae ko koutou e hē vēnā; ko te tino e hili te maualuga o tona tūlaga ia te koutou, e tatau ke kavea ia ke vē ko te tino e pito hili ona maulalo tona tūlaga, ma ko te takitaki e tatau ke vē ko he kaukauna.

Ioane 18:36

Kua tali mai ia Iehu, “Ko toku mālō e hē o te lalolagi tēnei; anei toku mālō e o te lalolagi tēnei, ko aku kaukauna na tau kae ke nahe pukea ai au e nā takitaki o Iutaia. Hēai, ko toku mālō e hē o te lalolagi.”

Gāluega 13:5

Kua pa atu te toka lua ki Halamini, oi tālaki ai e ki lāua te kupu a te Atua i loto o nā hūnako o tagata Iutaia. Nae ia te ki lāua ia Ioane Maleko ke fehoahoani ki te gāluega.

2 Kolinito 1:24

Ko koutou e hē fakatonu atua e ki māua ki nā mea e tatau ke talitonu koutou ki ei; e iloa e ki māua ko te koutou fakatuatua kua mautū lelei. Kae ko ki māua e gālulue fakatahi ma koutou ke fiafia ai koutou.

2 Timoteo 1:18

Ke ia te ia te alofa fakahao o te Aliki kāfai e pa ki te Aho Fakamahino! Ma e iloa lelei lava e koe te lahi o nā mea na fehoahoani mai ai ia ki a te au i Efeho.

Filemoni 1:13

Ko au nae fofou ke nonofo ki māua i kinei ka koi i te falepuipui ai au ona ko te Tala Lelei, kae ke kavea ai ma ō hui, ke fehoahoani mai ki a te au.

Epelu 1:14

Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.

1 Petelu 4:11

Kāfai ko tau meaalofa ko te poto oi tautala, folafola te fekau a te Atua. Kāfai ko tau meaalofa ko te fehoahoani ki iētahi tino, tautua la ki iētahi tino i te mālohi e fōki atu e te Atua. Kae e tatau nā mea uma iēnei ke fai i he auala e maua ai he vīkiga mo te Atua e ala ia Iehu Keliho, tē e o ia te mamalu ma te mālohi ke pa lava ki te hēgata.

1 Petelu 5:3

Nahe koutou taumafai ke pule mālohi ki nā tino e koutou kikilagia, kae taumafai ke fai koutou ma fakatakitakiga ki te lafu māmoe.

Fakaaliga 17:6

Ma na kō kitea ko te fafine kua konā i te toto o tagata o te Atua, ma te toto o nā tino na tāmate ona nae mulimuli ma te fakamāoni ki a Iehu. I te kō kiteaga o te fafine, ko au na ofo lahi lele.