Mataio 20:22 - Tokelauan New Testament

²² Kae kua tali atu ia Iehu ki nā ataliki, “E hē koulua iloa te mea tēnā e lea mai ai koulua. E koulua mafaia moni oi inu ki te ipu o nā puapuagā ka inu e au?” Kua tali mai ki lāua, “E ki mā mafaia”.

Mataio 20:22 ပူးပေါင်းရင်းမြစ်များ

Mataio 26:35

Kua tali mai ia Petelu, “E hē mafai au ke lea vēnā, e tuha lava pe kāfai e oti ai au fakatahi ma koe.” Ma kua lea vēnā foki iētahi o te kau hoko.

Mataio 26:39

Kua hēleka mālie atu ia Iehu ki mua, oi fakapakū fakapūlou ai ki te kelekele ma tatalo vē, “Toku Tamana, kāfai e mafai, kave kehe ko te ipu o puapuagā mai ia te au. Kae nahe faia toku loto kae fai tō finagalo.”

Mataio 26:42

Kua toe fano kehe ia Iehu ma tatalo vē, “Toku Tamana, kāfai tēnei ipu o puapuagā e hē mafai ke kave kehea heiloga ke inu au ki ei, e fai lava tō finagalo.”

Mataio 26:56

Kae ko nā mea uma iēnei kua tutupu, kae ke taunuku ai nā mea nā tūhia e te kau pelofeta i loto o nā Tuhituhiga Paia.” Oi tīaki ai ia Iehu e te kau hoko uma, kae fētutuli kehe.

Maleko 14:36

Kua vē tana tatalo “Te Tamana, toku Tamana! E hēai he mea fokotahi e hē kē mafaia. Kave kehe ko te ipu tēnei o puapuagā ia te au. Kae nahe faia toku loto, kae fai tō finagalo.”

Luka 12:50

E i ei te papatihoga e papatiho ai au, ma ka popole pea lava toku loto ke pa ki te taimi e fakataunuku ai!

Luka 22:42

Kua lea vē, “Te Tamana, kāfai koe e finagalo ki ei, kave kehe ko te ipu tēnei o puapuagā mai ia te au. Kae nahe faia toku loto, ka ko tō finagalo.”

Ioane 18:11

Kua lea atu ia Iehu ki a Petelu, “Tuku tau pelu ki tona huluga! Ko tō manatu ko au ka hē inu ki te ipu o nā puapuagā kua tuku mai e toku Tamana ki a te au?”

Loma 8:26

E vēnā foki ona fehoahoani mai te Agaga i nā mea e vāivai ai ki tātou. Auā e hē iloa e ki tātou oi tatalo e vē ona tatau ke tatalo ai ki tātou; ko te Agaga lava ia e ole atu ki te Atua mo ki tātou ma te ōi e hē mafai ke fakamatalagia i ni kupu.

Iakopo 4:3

Ma kāfai koutou e gogō atu ki te Atua, e hē koutou maua auā ko te mea e fakavae ai outou manatu e hehē; ko koutou e gogō ki nā mea o te lalolagi e fakaaogā ke fiafia ai lava koutou.