Mataio 20:21 - Tokelauan New Testament

²¹ Kua fehili atu ki ei ia Iehu, “He ā te fofou koe ki ei?” Kua tali mai te fafine, “Takutino mai ko ki a te au, kāfai e pa mai tō Mālō, ko oku ataliki iēnei e toka lua ka fakanofo e koe tētahi i tō itū taumatau ma tētahi i tō itū tauagavale.”

Mataio 20:21 ပူးပေါင်းရင်းမြစ်များ

Mataio 18:1

I te taimi tēnā, na ōmamai ai te kau hoko ki a Iehu oi fehili vē atu ki ei, “Ko ai te tino e hili ona tāua i te Mālō o te lagi?”

Mataio 19:28

Kua vāgana atu ia Iehu ki a te ki lātou, “E takutino atu e au ki a te koutou, i te ōlaga fou koi hau, ko te Ataliki o te Tagata ka nofo i luga o tona nofoāliki mamalu. Ma ko koutou iēnā kua mulimuli mai ki a te au, ka nonofo foki i nā nofoāliki e hefululua, ke pūlea nā puikāiga e hefululua o Ihalaelu!

Mataio 20:22

Kae kua tali atu ia Iehu ki nā ataliki, “E hē koulua iloa te mea tēnā e lea mai ai koulua. E koulua mafaia moni oi inu ki te ipu o nā puapuagā ka inu e au?” Kua tali mai ki lāua, “E ki mā mafaia”.

Mataio 20:32

Oi tū ai ia Iehu kua vāgana atu ki a te ki lāua, “He ā te fofou koulua ke kō faia mo koulua?”

Maleko 10:51

Kua fehili atu ia Iehu, “He ā te fofou koe ke kō faia mo koe?” Kua tali mai ia, “Te Faiakoga, ko au e fofou ke toe pupula oku mata.”

Maleko 16:19

Kua uma te vāgana atu o te Aliki ko Iehu ki a te ki lātou, oi hikitia ake ai ki te lagi ma nofo i te itū taumatau o te Atua.

Maleko 6:22

Ko te tama teine a Helotia na hau ki loto oi hiva i te kaiga, oi na fai ma mea na fiafia lahi lele ai ia Helota ma te kau valakaulia. Oi lea atu ai ia Helota ki te teine, “He ā he mea e fia maua e koe? E fōki atu e au ki a te koe ho he mea lava e fofou koe ki ei.”

Luka 18:41

“He ā te fofou koe ke kō faia mo koe?” Kua tali mai te tāuaho, “Te Aliki, ko au e fofou ke toe pupula oku mata.”

Luka 19:11

Ka koi fakalogologo atu ki lātou ki nā mea tēnei, oi kāmata ai oi fai e Iehu he talafakatuha. Kua tafapili lele atu ia ki Ieluhalema, ma e manatu lava ia tagata ko ki lātou kua tāli kikila lele ki te Mālō o te Atua.

Luka 22:24

Kua fai te fīnauga a te kau hoko, pe ko ai to ki lātou e hili te tāua.

Ioane 15:7

Ke tūmau te koutou tahi ia te au, ma ke tūmau taku kupu ia te koutou. Oi fōki atu ai ho he mea lava e tatalo atu koutou ki ei.

Gāluega 1:6

Kua fakatahi te kau apohitolo ma Iehu, oi fehili vē atu ai ki lātou ki a te ia, “Te Aliki, ka toe fōki nei e koe te Mālō ki a Ihalaelu i te taimi nei?”

Loma 12:10

Ke alofa tētahi ki tētahi e vē ni uho, ma tauva ke hili atu te fakaaloalo o tētahi i lo tētahi.

Loma 8:34

Ko ai la te ka ia taku halagia ki lātou? Ko Keliho Iehu? Hēai! Ko Keliho na oti, oi toe fakatū mai ai i te oti, ma e i te itū taumatau o te Atua, e fautua mo ki tātou!

Kolohe 3:1

Kua uma te fakatutū o koutou mai te oti ki te ola fakatahi ma Keliho. Ke fakatāua la i nā loto o koutou nā mea i te lagi, te mea e nofo ai ia Keliho i tona nofoāliki, i te itū taumatau o te Atua.