Mataio 20:20 - Tokelauan New Testament

²⁰ Oi hau ai te mātua o nā ataliki o Hepetaio ki a Iehu, fakatahi ma ona ataliki, kua tōtuli i mua o Iehu ma lea atu ki ei i he mea e fofou ia ki ei.

Mataio 20:20 ပူးပေါင်းရင်းမြစ်များ

Mataio 10:2

Ko nā igoa iēnei o nā apohitolo e toka hefululua: muamua, ko Himona (ko tētahi ona igoa ko Petelu) ma tona uho ko Anitelea; ko Iakopo ma Ioane nā ataliki o Hepetaio;

Mataio 14:33

Oi ifo atu ai ki a Iehu nā hoko o ia nae i luga o te vaka ma lea vē atu ki ei, “E moni lava ko koe ko te Ataliki o te Atua.”

Mataio 15:25

Oi hau ai te fafine kua tōtuli i mua o Iehu ma lea vē atu ki ei, “Te Aliki, fehoahoani mai ko ki a te au!”

Mataio 2:11

Kua ulu atu ki lātou ki loto o te fale, oi kitea ai e ki lātou te tamaiti ma tona mātua ko Malia. Na tōtutuli ai loa ki lātou ki lalo kua ifo ki ei. Kua tōake foki ki luga a lātou meaalofa ko te aulo, ko te pulu lipano ma te pulu mulo, kua tuku atu ki a te ia.

Mataio 27:56

Ko iētahi o ki lātou iēnei, ko Malia te Makatala, ko Malia te mātua o Iakopo ma Iohefa, ma te āvaga a Hepetaio.

Mataio 28:17

I te ki lātou kiteaga o Iehu, oi ifo atu ai ki lātou ki ei, e ui lava nae i ei nā tino o ki lātou nae māhalohalo.

Mataio 4:21

Kua fano kehe atu ia Iehu mai kinā, oi ia kitea ai hētahi kau uho e toka lua, ko Iakopo te ataliki o Hepetaio ma Ioane tona uho, e i luga o to lātou vaka ma to lā tamana, e fonofono o lātou kupega. Kua kalaga atu ki ei ia Iehu,

Mataio 8:2

Oi hau ai he lēpela kua tōtuli i mua o ia ma lea vē atu ki a te ia, “Te Aliki, kāfai koe e loto ki ei, e kē mafaia oi fakamamā au.”

Maleko 15:40

Nae i ei nā fafine i kinā nae taukikila mamao atu. Nae i ei ai ia Malia te Makatala, ko Malia te mātua o Iakopo tamaiti ma Iohefa, ma Halome.