Mataio 20:19 - Tokelauan New Testament

¹⁹ ma tukulima atu ki tagata nukukehe ke ki lātou tauemua, ma kini, ma fakahātaulo; ma ka toe fakatū mai ai i te oti, i tona tolu o aho.”

Mataio 20:19 ပူးပေါင်းရင်းမြစ်များ

Mataio 12:40

E vēia ona i loto ia Iona i te manava o te tafolā i nā ao ma nā pō e tolu, ka vēnā foki oi i ei i te loloto o te kelekele te Ataliki o te Tagata i nā ao ma nā pō e tolu.

Mataio 16:21

Mai te taimi tēnā, na kāmata ai oi fakamālamalama e Iehu ki ona hoko te mea ka pa ia ki ei, kua lea vē atu ki a te ki lātou, “Ko au e tatau ke fano ki Ieluhalema ke puapuagā au i lima o toeaina, nā ohitāulaga hili ma faiakoga o te Tūlāfono. Ka ki lātou tāmatea au, kae i tona tolu o aho, ka toe fakatū mai ai au mai i te oti.”

Mataio 17:23

ma ka ki lātou tāmatea. Kae ka toe fakatū mai ia i te oti, i tona tolu o aho.” Oi lagona ai e te kau hoko te fakanoanoa lahi.

Mataio 27:26

Oi tatala fakahaoloto ai e Pilato ia Palapa ki a te ki lātou; kae kua fakatonu e ia ke kini ia Iehu, ma tuku atu ai loa ke fakahātaulo.

Mataio 27:63

ma lea vē ki ei, “Te kōvana, e ki mātou manatua ka koi ola tēnā tino talapepelo, na fai tana kupu vēia, ‘Ko au ka toe fakatū mai i te oti, kāfai e teka nā aho e tolu.’

Maleko 14:65

Ko iētahi o ki lātou kua kāmata oi tūfeanu ki a Iehu, kua nonoa e ki lātou ona mata kae kini i o lātou lima, ma lea vē ki ei, “E kē iloa la pe na hei tukia koe?” Oi kave ai ia Iehu e nā leoleo ma kini e ki lātou.

Maleko 15:1

I te taeaopō o te aho na hohoko ai na fono fakavave ai nā ohitāulaga hili ma nā toeaina, nā faiakoga o te Tūlāfono, ma te Taupulega kātoa, ma na fai ai te lātou tonu. Kua fakatonu e ki lātou ke noanoa ia Iehu ma takitaki kehe mai kinā, ma tukulima atu ki a Pilato ke fakamahino e ia.

Maleko 15:15

Ko Pilato na fofou ke fakafiafia te kaifenua, oi tatala ai e ia ia Palapa ki a te ki lātou. Kae kua fakatonu e ia ke kini ia Iehu ma tuku atu ai loa ke fakahātaulo.

Luka 18:32

Auā ka tukulima atu ia ki tagata nukukehe, ma ka ki lātou tauemua, fai kupu mātagā ma tūfeanu ki ei.

Luka 23:11

Ko Helota ma ana fitafita nae fakatauemu ma fai kupu kino ki a Iehu; oi na fakakofu ai e ki lātou ia Iehu i he kofu tatao manaia, kae toe uga ki a Pilato.

Luka 24:46

ma vāgana atu vēnei ki a te ki lātou, “Ko te mea tēnei kua tūhia: ko te Mehia e tatau ke maua i nā puapuagā, ma toe tū mai i te oti i tona tolu o aho,

Gāluega 2:23

Ko he peleni lava e a te Atua te na ia tukulima atu ai ia Iehu ki a te koutou; ma na tāmate e koutou i te kua fakataga e koutou nā tino agahala, ke ki lātou fakahātauloagia.

Gāluega 21:11

Kua hau ki a te ki mātou ma tago ki te lītua o Paulo, ma noanoa ai lava e ia ona vae ma ona lima, oi lea vē ai, “Ko tēnei te vāgana a te Agaga Paia: Ko te tino e o ia te lītua tēnei, ka noanoa vēnei lava e tagata Iutaia i Ieluhalema, oi tukulima atu ai e ki lātou ki tagata nukukehe.”

Gāluega 4:27

Auā e moni lava ko Helota ma Ponitiō Pilato na potopoto fakatahi i te kakai tēnei ma tagata nukukehe vēnā ma tagata o Ihalaelu, ke teteke ki tau Kaukauna paia ko Iehu na kē fakaukuagia ke kavea ma Mehia.