Mataio 20:18 - Tokelauan New Testament

¹⁸ Kua lea vēnei atu ki a te ki lātou, “Kikila, ko ki tātou e olo ki Ieluhalema. Ko kinā ka tukulima atu ai te Ataliki o te Tagata ki te pule a nā ohitāulaga hili ma nā faiakoga o te Tūlāfono. Ka ki lātou fakahalagia ia i te oti,

Mataio 20:18 ပူးပေါင်းရင်းမြစ်များ

Mataio 10:4

ko Himona te Lotonuku, ma Iuta te Ihikaliota, tē na ia fakalata ia Iehu.

Mataio 16:21

Mai te taimi tēnā, na kāmata ai oi fakamālamalama e Iehu ki ona hoko te mea ka pa ia ki ei, kua lea vē atu ki a te ki lātou, “Ko au e tatau ke fano ki Ieluhalema ke puapuagā au i lima o toeaina, nā ohitāulaga hili ma faiakoga o te Tūlāfono. Ka ki lātou tāmatea au, kae i tona tolu o aho, ka toe fakatū mai ai au mai i te oti.”

Mataio 26:2

“E vē ona koutou iloa, toe lua ia aho oi pa ki te Kaiga Fakamanatu o te Pāheka, ma ko te Ataliki o te Tagata ka tuku atu ke fakahātaulo.”

Mataio 26:66

He ā he koutou manatu?” Kua tali mai ki lātou, “Ko te tino tēnā kua tatau ke tāmate.”

Mataio 27:1

I te taeaopō o te aho na hohoko ai, na fai ai te tonu a nā ohitāulaga hili ma te kau toeaina uma, ke tāmate ia Iehu.

Luka 22:71

Oi lea mai ai loa ki lātou, “Ni molimau auma te toe fofou ki tātou ki ei? Tēnā kua fakalogo uma ki tātou ki tana fakamatalaga na fai mai!”

Gāluega 2:23

Ko he peleni lava e a te Atua te na ia tukulima atu ai ia Iehu ki a te koutou; ma na tāmate e koutou i te kua fakataga e koutou nā tino agahala, ke ki lātou fakahātauloagia.