1 Kua toe vāgana atu ia Iehu, “Ko te Mālō o te lagi e fakatuha vēnei. E i ei he faitōvine na uhu i te taeaopō, oi hakili ni tino ke gālulue i tona tōvine kae totogi.
Kua toe fai tētahi talafakatuha a Iehu ki a te ki lātou: “Ko te Mālō o te lagi e fakatuha vēnei. Na lūlū e he tamāloa ni fatu haito lelei i tona fatoaga.
Kua toe fai tētahi talafakatuha a Iehu ki a te ki lātou: “Ko te Mālō o te lagi e fakatuha ki he fatu hīnapi na kave e he tamāloa oi totō i tona fatoaga.
Kua toe fai foki tētahi talafakatuha e Iehu ki a te ki lātou: “Ko te Mālō o te lagi e fakatuha vēnei. Na kave e he fafine ni fefete oi palu ki ni fuagā falaoa e tolu ke pa lava ki te taimi kua fefete uma ai te paluga kātoa.”
I te mauaga o he māliliega fakatahi ma nā tino faigāluega ke ia totōgia ki lātou i te totogi māhani, e tahi te tupe hiliva i te aho, oi uga ai e ia ke gālulue i tona tōvine.
“He ā nei he koutou manatu? Nae i ei he tamana ma ona ataliki e toka lua. Kua fano te tamana ki tona ataliki matua ma lea vē ki ei, ‘Toku ataliki, fano oi galue i te tōvine i te aho nei.’
“Ieluhalema, Ieluhalema! Kua tāmate e koe nā pelofeta ma fetogi nā kavefekau kua uga atu e te Atua ki a te koe! E lahi lele nā taimi na fia ōpoipoi mai ai i oku lima au fānau, e vē oi fakamāopoopo mai e te kaumatua moa tana ōfaga ki lalo o ona kapahau, kae ko koutou e mumuhu!
“I te taimi tēnā, ko te Mālō o te lagi ka fakatuha vēnei. Nae i ei ni tautiti e toka hefulu na kave a lātou lāmepa ma olo ki fafo ke fakafeiloaki ki te tama fakaipoipo.
“I te taimi tēnā ko te Mālō o te lagi ka fakatuha vēnei. Nae i ei he tamāloa na hāuni e fano i hana malaga; kua fakamāopoopo mai e ia ana kaukauna ma tuku atu ai e ia ki a te ki lātou, nā meatōtino a ia ke ki lātou kikilagia.
Ka fakatuhagia ki he tamāloa e tukua tona fale mo hana malaga, ma tuku ana mea ke kikila e ana kaukauna; ka kua uma ai te ia fakatonua ia gāluega tau tokatahi a ana kaukauna e fai, ma fakatonu te leoleo faitotoka ke taukikila fakalelei.
Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.