Mataio 2:3 - Tokelauan New Testament

³ I te lagonaga e Helota o te tala tēnei, oi tupu ai tona popole lahi, ma kua vēnā foki ia tagata uma o Ieluhalema.

Mataio 2:3 ပူးပေါင်းရင်းမြစ်များ

Mataio 2:2

ma na fehili vē ki lātou, “Tēfea te pepe kua fānau mai ke kavea ma tupu o tagata Iutaia? Na kitea e ki mātou tona fetu i te oho akega i hahae, oi ko ki mātou kua ōmamai ke ifo ki ei.”

Mataio 2:4

Na fakapotopoto ai e ia nā ohitāulaga hili ma nā faiakoga o te Tūlāfono oi fehili atu ai ki ei, “Ko fea nei te koga ka fānau mai ai te Mehia?”

Mataio 23:37

“Ieluhalema, Ieluhalema! Kua tāmate e koe nā pelofeta ma fetogi nā kavefekau kua uga atu e te Atua ki a te koe! E lahi lele nā taimi na fia ōpoipoi mai ai i oku lima au fānau, e vē oi fakamāopoopo mai e te kaumatua moa tana ōfaga ki lalo o ona kapahau, kae ko koutou e mumuhu!

Mataio 24:6

Ka lagona e koutou te faitapiha mai o nā taua e pili mai ma nā fakamatalaga e uiga ki ni taua i nā mea mamao, kae ia koutou nahe mātataku. Ko nā mea iēnei e tatau lava ke tutupu, kae e hē vēake ai la ko te ikuga kua pa mai.

Mataio 8:29

Ko te taimi lava na kitea ai e ki lāua ia Iehu, oi taukalalaga vē atu ai ki ei, “E, te Ataliki o te Atua, he ā ko ta koe e fai mai ki a te ki māua? Ko koe kua hau ke fakahāuā mai ki a te ki māua ka ko hēki pa ki te taimi e tatau ai?”

Maleko 13:7

Ma kāfai e lagona e koutou te faitapiha mai o nā taua e pili mai ma nā fakamatalaga e uiga ki ni taua i nā mea mamao, ia koutou nahe mātataku. Ko nā mea iēnei e tatau lava ke tutupu, kae e hē vēake ai la ko te ikuga kua pa mai.

Gāluega 4:2

Kua hē fiafia ki lātou ona e akoako e nā apohitolo iēnei e toka lua ki tagata, ko Iehu kua toe tū mai te oti, ma ko te mea ia e fakamāonia ai ko nā tino kua oti ka toe fakatutū mai te oti.