Mataio 2:13 - Tokelauan New Testament

¹³ Kua olo kehe nā tino malaga, oi kitea ai e Iohefa he agelu a te Atua i he miti, e lea vē ake, “Ka hakili e Helota te tamaiti ke tāmate. Ko te mea ia, tū loa ki luga kave te tamaiti ma tona mātua oi hōhola ki Aikupito. Nonofo pea i kinā ke toe lea atu au.”

Mataio 2:13 ပူးပေါင်းရင်းမြစ်များ

Mataio 1:20

Ka koi māfaufau vēnei ia Iohefa, kae kua fakaali ki ei he agelu a te Aliki i he miti, e lea vē, “Iohefa te lāpuna o Tavita, ia koe nahe mataku oi kavea ia Malia ma au āvaga. Auā ko tana to e mai i te mana o te Agaga Paia.

Mataio 10:23

Kāfai koutou e hāuāgia i he kakai, hōhola ki hētahi kakai. Auā e takutino atu e au ki a te koutou, e pa atu ki te taimi e hau ai te Ataliki o te Tagata, ko hēki hoko lava tautou gāluega i nā kakai uma o Ihalaelu.

Mataio 2:12

Oi toe foki ai ki to lātou nuku kui atu i hētahi auala, auā na fakailoa e te Atua ki a te ki lātou i he miti, ke nahe toe olo ki a Helota.

Mataio 2:14

I te pō lava tēnā, na tū ai ki luga ia Iohefa oi kave te tamaiti ma tona mātua, kua olo ki Aikupito,

Mataio 2:16

I te iloaga e Helota ko ia kua pelogia e nā tino malaga mai Hahae, oi ita lahi lele ai. Na fakatonu ai loa e ia ke tāmate nā tamaiti tāne uma mai te lua tauhaga agai ki lalo te mātutua, i Peteleema ma nā nuku e tuākoi ki ei — ko te tonu tēnei na fai fuafua fakatatau ki nā mea na iloa e ia mai nā tino malaga, e uiga ki te taimi na kitea ai te fetu.

Mataio 2:22

Kae i te lagonaga e Iohefa ko Akilao kua hui ki tona tamana ko Helota ma kua kavea ma tupu o Iutea, oi mataku ai ke toe foki. Na toe maua iētahi fakatonuga o ia i he miti, oi fano ai loa ki te itūmālō ko Kalilaia,

Gāluega 10:22

Kua tali mai ki lātou, “Ko ki mātou na uga mai e Konelio te Takitaki o he Toka Helau fitafita. Ko he tino lelei e tāpuaki ki te Atua ma e taku leleia e tagata Iutaia uma. Na fakatonu e he agelu a te Atua ke valakaulia koe ki tona fale, kae ke mafai ke fakalogo ia ki nā mea e tautala ai koe.”

Gāluega 10:7

Oi fano kehe ai te agelu, ma na kalaga loa ia Konelio ki ni kaukauna fakamoemoegia e toka lua a ia ma he fitafita, he tino kua talitonu ki te Atua ma ko hētahi ia o nā tino e fehoahoani ake ki a te ia.

Gāluega 12:11

Na hāfia loa e Petelu te mea kua tupu, oi lea vē ai, “Kua kō iloa i te taimi nei ko te mea na pa au, na tupu moni lava! Kua uga mai e te Atua tana agelu ke fakahao au mai te pule a Helota, ma nā mea uma na vēake ia tagata Iutaia e tutupu.”

Gāluega 12:7

Kae nā lava e teki ko he agelu a te Aliki kua tū mai, ma he mālamalama kua huhulu i loto o te potu e i ei ia Petelu. Kua haehae atu te agelu ki te takuau o Petelu, oi ala ai ia Petelu, ma kua lea vē atu te agelu ki ei, “Faivave! Tū loa ki luga!” Ko te taimi lava tēnā na pakukū kehe ai nā filifili nae i ona lima.

Gāluega 16:36

Oi lea vē atu ai te leoleo falepuipui ki a Paulo, “Kua kaumai te fakatonuga a nā fakamahino ke tatala koulua ma Hila ke olo. Ōmai la keina olo i te fīlēmū.”

Gāluega 5:19

Kae i te pō, na hau ai he agelu a te Aliki oi tatala nā faitotoka o te falepuipui ma takitaki te kau apohitolo ki fafo, oi lea vē atu ai te agelu ki a te ki lātou,

Gāluega 7:19

Na fakahehē e ia o tātou tupuna ma nae fakahāuā ki ei, ma fakamālohia ki lātou ke kave a lātou pepe ma tuku i fafo, kae ke feoti ai.

Fakaaliga 12:14

Kae kua fōki ki te fafine nā kapahau e lua o he mātuā āeto, kae ke ia mafaia oi lele ki te mea e nofo ai i te toafa, te mea ka tauhia ai ia mo he tolu ma te āfa tauhaga, ma hē mafai ai e te tālako ke fai hana mea ki ei.

Fakaaliga 12:4

Kua toho ifo e ia mai te lagi i tona hikuhiku, te tahi vaetolu o nā fetu, ma togi ki lalo ki te lalolagi. Ma kua tū i mua o te fafine, kae ke ia kaia te pepe i te taimi lava e fānau mai ai.

Fakaaliga 12:6

Kua hola te fafine ki te vao, ki he mea na hāunia e te Atua mo ia, ke tauhi ai i kinā mo nā aho e 1,260.