Mataio 2:12 - Tokelauan New Testament

¹² Oi toe foki ai ki to lātou nuku kui atu i hētahi auala, auā na fakailoa e te Atua ki a te ki lātou i he miti, ke nahe toe olo ki a Helota.

Mataio 2:12 ပူးပေါင်းရင်းမြစ်များ

Mataio 1:20

Ka koi māfaufau vēnei ia Iohefa, kae kua fakaali ki ei he agelu a te Aliki i he miti, e lea vē, “Iohefa te lāpuna o Tavita, ia koe nahe mataku oi kavea ia Malia ma au āvaga. Auā ko tana to e mai i te mana o te Agaga Paia.

Mataio 2:13

Kua olo kehe nā tino malaga, oi kitea ai e Iohefa he agelu a te Atua i he miti, e lea vē ake, “Ka hakili e Helota te tamaiti ke tāmate. Ko te mea ia, tū loa ki luga kave te tamaiti ma tona mātua oi hōhola ki Aikupito. Nonofo pea i kinā ke toe lea atu au.”

Mataio 2:19

Kae i te otiga o Helota, na fakaali ai he agelu a te Atua ki a Iohefa i he miti i Aikupito

Mataio 2:22

Kae i te lagonaga e Iohefa ko Akilao kua hui ki tona tamana ko Helota ma kua kavea ma tupu o Iutea, oi mataku ai ke toe foki. Na toe maua iētahi fakatonuga o ia i he miti, oi fano ai loa ki te itūmālō ko Kalilaia,

Mataio 27:19

Ka koi nofo ia Pilato ma māfaufau ki hana fakaikuga, kae kaumai ki ei te faifekau mai tana āvaga: “Nahe i ei lele hau mea e fai ki te tino tēnā e hēai hana agahala, auā ko au na puapuagā lele i taku miti na fai i te pō, e uiga ki a te ia.”

Luka 2:26

ma na fakailoa ki ei e te Agaga Paia, ko ia e hē oti heiloga kua ia kitea te Mehia, na folafola e te Aliki.

Gāluega 10:22

Kua tali mai ki lātou, “Ko ki mātou na uga mai e Konelio te Takitaki o he Toka Helau fitafita. Ko he tino lelei e tāpuaki ki te Atua ma e taku leleia e tagata Iutaia uma. Na fakatonu e he agelu a te Atua ke valakaulia koe ki tona fale, kae ke mafai ke fakalogo ia ki nā mea e tautala ai koe.”

Gāluega 4:19

Ka kua tali atu ia Petelu ma Ioane, “E tatau ke fuafua e koutou pe ko tēfea te mea e hako i te kikila a te Atua — pe ko te uhitaki atu ki a te koutou, pe ko te uhitaki ki te Atua.

Gāluega 5:29

Oi tali vē atu ai ia Petelu ma nā apohitolo ki ei, “Ko ki mātou e tatau ke uhitaki ki te Atua kae hē ki tagata.”

1 Kolinito 3:19

Auā ko te poto o te lalolagi ko te valea tēnā i te Atua. E vē oi lea mai te tuhituhiga paia, “E kitea e te Atua te vālelea o te kau popoto i to lātou fai togafiti”;

Epelu 11:7

Ko te fakatuatua o Noa te na mafai ai ke lagona e ia te fakatonuga a te Atua e uiga ki nā mea e hē ia kitea kae ka tutupu i he taimi i mua. Na uhitaki ki te Atua, oi fau ai e ia he vaka ma na fakaola ai ia ma tona kāiga. Ona ko te mea tēnei, na fakahalagia ai te lalolagi kae ona ko Noa na uhitaki ki te Atua, na talia ai ia e te Atua ko he tino e faia te mea e tonu.

Epelu 8:5

Ko te gāluega ohitāulaga a lātou e fai, kua nā ko he ata fakatuha ma ko he ataata o nā mea i te lagi. Nae vēnā foki lava te tūlaga nae i ei i te taimi o Mohe. I te kua hāuni o Mohe ke fakatū te Falekie Paia, na lea vē atu te Atua ki ei, “Ke mautinoa e koe ko nā mea uma lele e fua ki te ata na fakahino atu e au ki a te koe i luga o te mauga.”