Mataio 19:9 - Tokelauan New Testament

⁹ Ko au la e lea atu ki a te koutou, ko ai lava he tamāloa e tatala e ia tana āvaga i he māfuaaga e kehe mai i lo te kua hē fakamāoni o te fafine, ma fakaipoipo ki hētahi fafine, kua agahala ia i te mulilua.”

Mataio 19:9 ပူးပေါင်းရင်းမြစ်များ

Mataio 19:10

Kua lea atu te kau hoko ki a Iehu, “Kāfai ko tēnā te tūlaga i te va o te tamāloa ma tana āvaga, e hili ai la te hē fakaipoipo.”

Mataio 19:8

Ka kua tali mai ia Iehu, “Na tuku atu e Mohe te fakatagaga ki a te koutou ke tatala ai autou āvaga, auā outou loto e makaka. Ka nae hē vēnā i te kāmataga.

Mataio 5:32

Kae ko au e lea atu nei ki a te koutou: ho he tamāloa e tatala e ia tana āvaga i he māfuaaga e kehe mai i lo te kua hē fakamāoni o te fafine, kua fai e ia te mea e mulilua ai tana āvaga; ma ko ai lava e fakaipoipo ki he fafine kua tatala tana āvaga, kua agahala foki ia i te mulilua.

Luka 16:18

“Ho he tamāloa e tatala e ia tana āvaga kae fakaipoipo ki hētahi fafine, kua agahala ia i te mulilua; ma ko te tamāloa e fakaipoipo ki he fafine kua tatala tana āvaga, kua agahala ia i te mulilua.

1 Kolinito 5:1

Kua tākua mai e i ei nā tino o koutou e faia nā āmioga mātagā, ni āmio e pa ki tagata nukukehe e hē ki lātou faia. Ko te fakamatalaga kua maua e au, e i ei he tamāloa kua nonofo ma tona mātua fai, te āvaga a tona tamana.

1 Kolinito 7:39

Ko te fafine kua fakaipoipo e hē haoloto lele pe kāfai koi ola pea lava tana tāne; kae kāfai e oti tana tāne, oi fakataga ai ia ke toe fakaipoipo ki ho he tamāloa e fofou ia ki ei, ma ko te tamāloa e tatau ko he tino Kelihiano.

1 Kolinito 7:4

E hē ko te āvaga te pule ki tona lava tino, kae ko tana tāne; e vēnā foki oi hē ko te tāne te pule ki tona lava tino, kae ko tana āvaga.