Mataio 19:28 - Tokelauan New Testament

²⁸ Kua vāgana atu ia Iehu ki a te ki lātou, “E takutino atu e au ki a te koutou, i te ōlaga fou koi hau, ko te Ataliki o te Tagata ka nofo i luga o tona nofoāliki mamalu. Ma ko koutou iēnā kua mulimuli mai ki a te au, ka nonofo foki i nā nofoāliki e hefululua, ke pūlea nā puikāiga e hefululua o Ihalaelu!

Mataio 19:28 ပူးပေါင်းရင်းမြစ်များ

Mataio 16:27

Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Mataio 19:27

Oi tali atu ai ia Petelu, “Kikila, kua tuku e ki mātou a mātou mea uma lele kae mulimuli atu ki a te koe. He ā nei ta ki mātou ka maua?”

Mataio 20:21

Kua fehili atu ki ei ia Iehu, “He ā te fofou koe ki ei?” Kua tali mai te fafine, “Takutino mai ko ki a te au, kāfai e pa mai tō Mālō, ko oku ataliki iēnei e toka lua ka fakanofo e koe tētahi i tō itū taumatau ma tētahi i tō itū tauagavale.”

Mataio 25:31

“Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu,

Mataio 6:33

Kae hakili muamua e koutou te Mālō o te Atua ma nā mea e fofou ia ke koutou faia, oi fōki atu ai e ia ki a te koutou nā mea uma iēnei.

Mataio 8:20

Kua tali atu ia Iehu ki a te ia, “E fai ia lua o ālope ma fai ia ōfaga o manulele; kae ko te Ataliki o te Tagata e hēai he mea ke takoto ki ei ke mālōlō ai.”

Maleko 10:37

Kua tali atu ki lāua, “Kāfai koe e nofo i te nofoāliki i tō Mālō, fakanonofo ko ki māua fakatahi ma koe, ko tētahi i tō itū taumatau, ma tētahi i tō itū tauagavale.”

Gāluega 3:21

E tatau ke nofo pea ia i te lagi ke pa ki te taimi e fakafougia ai ia mea uma, e vē ona folafola e te Atua e ala i te kau pelofeta paia nae tautua mo ia i nā aho kua loa.

2 Timoteo 2:12

Kāfai e tūmau pea to tātou onohai, ka pule fakatahi foki ki tātou ma ia. Kāfai e fakafiti ki tātou ia te ia, ka fakafiti foki ia ia te ki tātou.

2 Petelu 3:13

Kae ko ki tātou e fakatalitali ki nā mea kua uma te folafola mai e te Atua: he lagi fou ma he lalolagi fou, te mea ka fakatino ai te finagalo o te Atua.

Fakaaliga 11:16

Oi fakapakukū ai ki lalo nā toeaina e toka luahefulufa e nonofo i o lātou nofoāliki i mua o te Atua, ma ifo atu ki te Atua,

Fakaaliga 12:1

Oi kitea atu ai he fakailoga uiga kehe i te lagi. Ko he fafine e kofu i te la ka ko te māhina e i lalo o ona vae, ma he palealiki e fai i ni fetu e hefululua e i tona ulu.

Fakaaliga 20:4

Oi kō kitea atu ai ni nofoāliki, ma ko nā tino e nonofo i luga ko ki lātou iēnā kua tuku atu ki ei te pule ke fakamahino ai e ki lātou iētahi tino. Ko ki lātou iēnei ko nā agaga ia o nā tino na tatipi o lātou ua, ona na fai ki lātou ma molimau e uiga ki te fekau a Iehu ma te kupu a te Atua. E hēki ifo ki lātou ki te manu fekai pe ki tona fakatuha, ma e hēki maua e ki lātou te fakailoga a te manu fekai ki o lātou muāulu pe ki o lātou lima. Kua toe ola mai ki lātou ma kua pule fakatahi ki lātou ma Keliho, mo he afe tauhaga.

Fakaaliga 21:5

Ma na lea vē ai te tino e tiketike i te nofoāliki, “Kikila, kua toe fakafou e au ia mea uma!” Ma na leamai foki ki a te au, “Tuhi te mea tēnei ki lalo, auā ko nā kupu iēnei e moni ma e fakamāoni.”

Fakaaliga 22:2

ki loto o te kogātotonu o te auala o te kakai. I nā itū takitahi o te vaitafe e i ei ai te lākau o te ola, e hefululua ona itūkāigā fua, ma e fokotahi te itūkāiga e fua i te māhina; ma ko ona lau e fakamālōlō ai ia tagata o te lalolagi mai o lātou tauale.

Fakaaliga 22:5

Ka hē toe i ei he pō, ma ka hē toe manakomia e ki lātou ni mōlī pe ko te huhulu o te la, auā ko te Aliki te Atua ka fai ma o lātou mōlī, ma ka ia te ki lātou te pule fakatupu ke pa ki te fakavavau.

Fakaaliga 3:21

Ki nā tino e maua e ki lātou te manumālō, ka fōki e au ki ei te avanoa ke nonofo ai i oku tafa i luga o toku nofoāliki, e vē foki lava ko au na manumālō, ma kua nofo ai nei au i tafa o toku Tamana i luga o tona nofoāliki.

Fakaaliga 4:4

E hiko fakatāmilo te nofoāliki e iētahi nofoāliki e lua hefulufa, ma e nonofo i luga nā toeaina e toka lua hefulufa, e kokofu i nā kofu paepae ma fai o lātou pale aulo.

Fakaaliga 7:4

Ma na lagona atu e au, ko te aofaki o nā tino kua fakailoga i te fakamaufakailoga a te Atua e 144,000. E ōmamai i nā puikāiga uma e hefululua o Ihalaelu: