Mataio 19:23 - Tokelauan New Testament

²³ Oi vāgana atu ai ia Iehu ki nā hoko o ia, “E takutino atu e au ki a te koutou, ka faigatā lele mo nā tino maukoloa ke hao atu ki te Mālō o te lagi.

Mataio 19:23 ပူးပေါင်းရင်းမြစ်များ

Mataio 13:22

Ko nā fatu haito na pakukū ki te mea e ola ai nā vao mātuituia, e fakatuha ki nā tino e ki lātou lagona te fekau a te Atua; kae ko popōlega o te ōlaga ma te mānumanu ki koloa o te lalolagi, kua taomia ai te fekau ma hē fua mai ai ni fua.

Mataio 18:3

oi vāgana atu ai, “E takutino atu e au ki a te koutou, kāfai koutou e hē hūia ma kavea ke vē ni tamaiti, ka hē mafai lele koutou ke hao atu ki te Mālō o te lagi.

Mataio 19:22

I te lagonaga atuga e te tamāloa o te mea iēnei, oi fano kehe ai ma te loto fakanoanoa, auā ko ia ko he tino maukoloa.

Mataio 21:31

Ko ai o te toka lua tēnei na fai e ia te mea na fofou ki ei to lā tamana?” “Ko te tino matua,” kua tali mai ki lātou. Oi vāgana atu ai ia Iehu ki ei, “Ko au e lea atu moni ki a te koutou, ka muamua oi olo nā aolāfoga ma fafine talitāne ki te Mālō o te Atua, i lo koutou.

Mataio 5:20

Auā e lea atu au ki a te koutou, e fātoā mafai oioti koutou ke hao atu ki te Mālō o te lagi, pe kāfai e hili atu te koutou fakamāoni i te tauhi ki nā Tūlāfono, i lo nā faiakoga o te Tūlāfono ma te kau Falehaio.

Maleko 10:23

Kua fakaholo atu te kikila a Iehu ki ona hoko oi vāgana atu ai ki ei, “Kai te faigatā lele mo nā tino maukoloa ke hao atu ki te Mālō o te Atua!”

Luka 18:24

Kua kitea atu e Iehu te fakanoanoa o te maukoloa, oi vē atu ai tana kupu, “Kai te faigatā lele mo nā tino maukoloa ke hao atu ki te Mālō o te Atua!

Ioane 3:3

Kua tali mai ia Iehu, “E takutino atu e au ki a te koe te meamoni, e hēai he tino e mafai ke ia kitea te Mālō o te Atua, heiloga kua toe fānau fougia.”

Ioane 3:5

Kae kua tali mai ia Iehu, “E takutino atu e au ki a te koe; e hēai he tino e mafai ke hao atu ki te Mālō o te Atua, heiloga kua fānau mai i te vai ma te Agaga.

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

1 Kolinito 1:26

Ko te mea ia oku uho, māfaufau pe nae ni tino vēhea koutou i te taimi na kalaga atu ai te Atua ki a te koutou. I te kikila fakatetagata, e hē tokalahi koutou nae popoto, e hē tokalahi nae i ni tūlaga maualuluga, ma nae hē tokalahi na tupuga mai i ni kāiga aliki.

Iakopo 2:6

Kae kua fai e koutou te mea e fakamahiahi ai nā tino mātitiva. Ko ai te honafaia koutou ma kavea koutou ki te fakamahinoga? Ko nā tino mau koloa!