Mataio 19:14 - Tokelauan New Testament

¹⁴ Kua vāgana atu ia Iehu ki ona hoko, “Tuku nā tamaiti ke ōmamai ki a te au, nahe vavaoa, auā ko te Mālō o te lagi e mo ki lātou e vē ko ki lātou iēnei.”

Mataio 19:14 ပူးပေါင်းရင်းမြစ်များ

Mataio 11:25

I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.

Mataio 18:3

oi vāgana atu ai, “E takutino atu e au ki a te koutou, kāfai koutou e hē hūia ma kavea ke vē ni tamaiti, ka hē mafai lele koutou ke hao atu ki te Mālō o te lagi.

Mataio 19:15

Kua fakaeke atu ona lima ki o lātou ulu, oi fano kehe ai.

Mataio 5:10

Amutia nā tino e maua i nā fakahāuāga ona e fai e ki lātou te finagalo o te Atua; auā e o ki lātou te Mālō o te lagi!

Mataio 5:3

“Amutia nā tino e ki lātou iloa to lātou mātitiva i nā mea tau ki te Atua; auā e o ki lātou te Mālō o te lagi!

Maleko 10:14

Kua kitea atu e Iehu te mea tēnei, oi tīgā ai tona loto ma lea vē atu ki ona hoko, “Tuku nā tamaiti ke ōmamai ki a te au nahe vavaoa, auā ko te Mālō o te Atua e mo ki lātou e vē ko ki lātou iēnei.”

Maleko 10:15

E takutino atu e au ki a te koutou, ko ai lava e hē ia talia te Mālō te Atua e vē he tamaiti, ka hē hao atu lele ia ki ei.

1 Kolinito 14:20

Te kau uho, koutou nahe vē ni tamaiti i outou manatunatuga; koutou ke vē ni pepe e tuha ai ma nā mea e kino, kae ke vē ni tino mātutua e tuha ai ma nā manatunatuga o koutou.