Mataio 19:13 - Tokelauan New Testament

¹³ Kua kaumai e ni tino ni tamaiti ki a Iehu ke fakaeke atu ona lima ki o lātou ulu ma tatalo mo ki lātou, kae kua mumuna atu ki ei te kau hoko.

Mataio 19:13 ပူးပေါင်းရင်းမြစ်များ

Mataio 16:22

Oi tataki kehe ai e Petelu ia Iehu, ma kāmata oi tautala mālohi ki ei, kua lea vē atu, “Te Aliki, ke alofa te Atua ke nahe pa lele koe ki he mea vēnā!”

Mataio 19:12

Auā e i ei nā māfuaaga kehekehe e hē mafai ai ia tamāloloa ke āvavaga; ko iētahi e māfua ona na fānanau mai lava e vē; ko iētahi ona ko nā mea na fai ki a te ki lātou e iētahi tino, ma ko iētahi e hē āvavaga kae ke mafai ai ki lātou ke tautua ki te Mālō o te lagi. Ko te tino e ia mafaia oi talia te akoakoga tēnei, oi talia loa.”

Mataio 20:31

Kua mumuna mai ki ei te kaifenua ma lea ki ei ki lāua nahe piha, kae kua ātili ai te tau kālalaga leo lahi vē atu, “Te Aliki, te Ataliki o Tavita, alofa mai ko ki a te ki māua!”

Gāluega 2:39

Auā ko te folafolaga a te Atua, na fai ki a te koutou ma autou fānau vēnā ki nā tino uma lele e nonofo mamao — ki lātou uma kua valakaugia e te Atua to tātou Aliki, ke ōake ki a te ia.”

1 Kolinito 7:14

Auā ko te tāne e hē he Kelihiano e talia i mua o te Atua kāfai e fakatahi ki lāua ma tana āvaga, ma ko te āvaga e hē he Kelihiano e talia i mua o te Atua kāfai e fakatahi ki lāua ma tana tāne Kelihiano. Kāfai e hē fai vēneia, ko te lā fānau ka vē ni fānau e a ni tino fakapaupau, kae e talia ki lātou i mua o te Atua.