Mataio 19:12 - Tokelauan New Testament

¹² Auā e i ei nā māfuaaga kehekehe e hē mafai ai ia tamāloloa ke āvavaga; ko iētahi e māfua ona na fānanau mai lava e vē; ko iētahi ona ko nā mea na fai ki a te ki lātou e iētahi tino, ma ko iētahi e hē āvavaga kae ke mafai ai ki lātou ke tautua ki te Mālō o te lagi. Ko te tino e ia mafaia oi talia te akoakoga tēnei, oi talia loa.”

Mataio 19:12 ပူးပေါင်းရင်းမြစ်များ

Mataio 19:11

Kua tali mai ia Iehu, “E hē ko tamāloloa uma te ki lātou mafaia oi talia te akoakoga tēnei, kae nā ko ki lātou lava kua uma te tuku atu ki ei e te Atua.

Mataio 19:13

Kua kaumai e ni tino ni tamaiti ki a Iehu ke fakaeke atu ona lima ki o lātou ulu ma tatalo mo ki lātou, kae kua mumuna atu ki ei te kau hoko.

1 Kolinito 9:15

Kae e hēki kō fakaaogāgia lele nā aiātatau iēnei, ma ko au foki e hē tuhi atu kae ke maua ai e au. E hili atu ai toku oti, i lo te kave kehea e he tino o te mea e fāfia ai au.

1 Kolinito 9:5

E hē ia te au nei te aiātatau ke fakatakitaki ai ki nā mea nae fai e iētahi apohitolo ma nā uho o te Aliki ma Petelu, i toku fano ma kave haku āvaga Kelihiano i aku faigāmalaga?

Fakaaliga 14:4

Ko nā tino iēnei e hēki ki lātou faia lele ni mea ke hē mamā ai ki lātou, e vē ko te momoe ma ni fafine; ni taupou uma ki lātou. Nae mulimuli ki lātou ki te Punuamāmoe i ho he mea e fano ki ei. Kua fakahao ki lātou kae ke ofo atu o lātou tagata mo te Atua ma te Punuamāmoe, e vē ko te vāega muamua o te helehelega e ofo atu mo te Atua.