Mataio 19:11 - Tokelauan New Testament

¹¹ Kua tali mai ia Iehu, “E hē ko tamāloloa uma te ki lātou mafaia oi talia te akoakoga tēnei, kae nā ko ki lātou lava kua uma te tuku atu ki ei e te Atua.

Mataio 19:11 ပူးပေါင်းရင်းမြစ်များ

Mataio 13:11

Kua tali mai ia Iehu, “Kua uma te fakailoa atu ki a te koutou nā mealilo i te Mālō o te lagi, kae ko hēki fakailoa ki iētahi tino.

Mataio 19:10

Kua lea atu te kau hoko ki a Iehu, “Kāfai ko tēnā te tūlaga i te va o te tamāloa ma tana āvaga, e hili ai la te hē fakaipoipo.”

Mataio 19:12

Auā e i ei nā māfuaaga kehekehe e hē mafai ai ia tamāloloa ke āvavaga; ko iētahi e māfua ona na fānanau mai lava e vē; ko iētahi ona ko nā mea na fai ki a te ki lātou e iētahi tino, ma ko iētahi e hē āvavaga kae ke mafai ai ki lātou ke tautua ki te Mālō o te lagi. Ko te tino e ia mafaia oi talia te akoakoga tēnei, oi talia loa.”

1 Kolinito 7:17

Tuku vē ki te tino lava ia, ke ola i te ōlaga nae i ei ai i te taimi na filifilia ma kalagagia ai e te Atua ke kavea mo ia. Ko te mea tēnei e fakatonu lava e au ki nā Ekalehia uma.

1 Kolinito 7:2

Kae ona ko te lahi o nā fakaohoohoga ke fai ai nā āmioga mātagā, e tatau ai nā tamāloa tau tokatahi ke i ei hana ia lava āvaga, ma fafine tau tokatahi ke i ei hana ia lava tāne.

1 Kolinito 7:35

Ko au e lea atu vēnei mo te koutou lelei. Ko au e hē taumafai ke tāofiofi koutou i nā mea e fofou koutou ke koutou faia. Kae ko au e fofou ke fai e koutou te mea e hako ma tonu, ma ke ofo atu outou tagata kātoatoa ki te gāluega a te Aliki e aunoa ma he fakafehili.