Mataio 18:23 - Tokelauan New Testament

²³ auā ko te Mālō o te lagi e fakatuha vēnei. Nae i ei he tupu kua tonu ia te ia ke hiaki ana tupe nae kaihohoa e nā kaukauna a ia, ona kua fofou ke toe totogi uma ake e ki lātou.

Mataio 18:23 ပူးပေါင်းရင်းမြစ်များ

Mataio 13:24

Kua toe fai tētahi talafakatuha a Iehu ki a te ki lātou: “Ko te Mālō o te lagi e fakatuha vēnei. Na lūlū e he tamāloa ni fatu haito lelei i tona fatoaga.

Mataio 13:31

Kua toe fai tētahi talafakatuha a Iehu ki a te ki lātou: “Ko te Mālō o te lagi e fakatuha ki he fatu hīnapi na kave e he tamāloa oi totō i tona fatoaga.

Mataio 13:33

Kua toe fai foki tētahi talafakatuha e Iehu ki a te ki lātou: “Ko te Mālō o te lagi e fakatuha vēnei. Na kave e he fafine ni fefete oi palu ki ni fuagā falaoa e tolu ke pa lava ki te taimi kua fefete uma ai te paluga kātoa.”

Mataio 13:47

“Ko te Mālō o te lagi e fakatuha foki vēnei. E i ei nā tino faifaiva na tatao to lātou kupega i te tai ke maua ai ho he itūkāigā ika.

Mataio 13:52

Oi lea vē atu ai ia Iehu, “Ko tēnei la te uiga. Ko nā faiakoga tau tokatahi uma o te Tūlāfono kua akoakogia i nā mea tau te Mālō o te lagi, e fakatuha ki he tino e i ei hona fale, e tuku mai e ia ki fafo nā mea tāua fou ma nā mea tāua tuai a ia mai te potu e teu ai.”

Mataio 18:24

Fātoā kāmata atu tana hiakiga kae kaumai ki a te ia te kaukauna e nofo kaitālafu i te hefulu afe tāleni.

Mataio 25:1

“I te taimi tēnā, ko te Mālō o te lagi ka fakatuha vēnei. Nae i ei ni tautiti e toka hefulu na kave a lātou lāmepa ma olo ki fafo ke fakafeiloaki ki te tama fakaipoipo.

Mataio 25:14

“I te taimi tēnā ko te Mālō o te lagi ka fakatuha vēnei. Nae i ei he tamāloa na hāuni e fano i hana malaga; kua fakamāopoopo mai e ia ana kaukauna ma tuku atu ai e ia ki a te ki lātou, nā meatōtino a ia ke ki lātou kikilagia.

Mataio 3:2

Kua lea vē atu, “Liliu kehe mai autou agahala, auā ko te Mālō o te lagi kua tafapili mai!”

Mataio 7:24

“Ko te mea ia, ho he tino e lagona e ia nā kupu iēnei a āku ma uhitaki ki ei, e vēia ia ko he tino poto na fau tona fale i luga o te papa.

Loma 14:12

Ko ki tātou tau tokatahi uma la, ka tali atu lava te tino ki te Atua, e tuha ai ma ana mea na fai.

1 Kolinito 4:5

E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.