Mataio 18:15 - Tokelauan New Testament

¹⁵ “Kāfai tō uho e fai hana mea kino ki a te koe, fano oi fakahino ki ei tona hehē. Kae fai te mea tēnei nā ko koulua lava toka lua. Kāfai e fakalogo atu ki a te koe, kua toe maua e koe tō uho.

Mataio 18:15 ပူးပေါင်းရင်းမြစ်များ

Mataio 18:14

E vēnā foki lava oi hē fofou te koutou Tamana i te lagi ke galo hētahi o ki lātou nei e tamaiti.

Mataio 18:21

Oi hau ai ia Petelu ki a Iehu kua fehili vē atu ki ei, “Te Aliki, e fakafia nei oi kō fakamāgaloa toku uho kāfai e fai pea lava e ia nā mea kino ki a te au? E fakafitu?”

Mataio 18:35

Kua fakauma te tautalaga a Iehu oi lea vē atu ai, “Ka vēnā foki lava te mea e fai e toku Tamana i te lagi ki a te koutou uma tau tokatahi, kāfai e hē kē fakamāgaloa tō uho ma te loto fakamāoni.”

Loma 12:21

Nahe fakatōkilalogia lele koutou e te kino, kae fakatōkilalo te kino e te lelei.

1 Kolinito 8:12

Kāfai koutou e agahala ona kua āfāina he uho o koutou e vāivai te lotofuatia, ko koutou la kua agahala ki a Keliho.

2 Kolinito 7:12

Ko te mea ia, e ui na kō tuhia te tuhi, e hēki kō tuhiagia ona ko te tino na faia te mea hehē pe ko te tino na āfāina ona ko te mea hehē tēnei. Na kō tuhia ke fakamanino atu ki a te koutou i mua o te Atua, te mālohi o te koutou lagolago mai ki a te au.

Kalatia 6:1

Te kau uho, kāfai he tino e ia faia ho he itūkāigā āmio kino, e tatau koutou iēnā kua takitakia e te Agaga, ke fakatonu ki a te ia i te agaga maualalo. Ma ko koutou foki ke mataala, nā meake ka fakaohoohogia ai foki koutou.

Kolohe 3:13

Ke maua e koutou te loto onohai o tētahi ki tētahi, ma kāfai e i ei he faitioga a he tino o koutou ki hētahi tino, ke maua e koutou te agaga fakamāgalo i ho he taimi. E tatau ke fakamāgalo tētahi ki tētahi, e vē oi fakamāgalo koutou e te Aliki.

1 Tehalonia 4:6

E tuha ai la ma te matākupu tēnei, nahe i ei lele he tino e faikino pe fakavalea e ia tona uho Kelihiano. Kua uma to mātou lea atu i te mea tēnei, ma ko ki mātou e matuā lapataki atu, ko te Aliki ka ia fakahalagia nā tino e faia nā uiga iēnei.

2 Tehalonia 3:15

Kae nahe koutou kikila ki ei e vē ki lātou ni fili ki a te koutou; kae fakatonu ki a te ki lātou e vē ni uho a Kelihiano.

Tito 3:10

Lapataki fakafokotahi pe fakalua ki nā tino e fakatupua nā fekehekeheakiga, kā hēai lava oi tīaki vē loa nahe kē toe amanakiagia.

1 Petelu 3:1

E vēnā foki koutou fafine kua fai kāiga, e tatau koutou ke i lalo o te pule a autou tāne. E tuha lava la pe i ei ni tino o ki lātou e hē talitonu ki te kupu a te Atua, kae ka kavea te koutou uhitaki ma mea e liliu ai ki lātou ma talitonu. E hē tau faia e koutou he kupu ki ei,