Mataio 17:9 - Tokelauan New Testament

⁹ Ka koi ōifo ki lātou ki lalo o te mauga ka kua fakatonu vēnei atu e Iehu te toka tolu, “Nahe koutou takua lele ki he tino e uiga ki te fakaaliga na kikila ki ei outou mata, heiloga kua toe fakatū te Ataliki o te Tagata mai te oti.”

Mataio 17:9 ပူးပေါင်းရင်းမြစ်များ

Mataio 12:16

ma fakatonu ai e ia ki lātou ke nahe ki lātou takua lele ki iētahi tino e uiga ki a te ia.

Mataio 17:12

Kae ko au e lea atu ki a te koutou, ko Elia kua hau kae e hēki matea e tagata, ma na ki lātou faia ki a te ia ho he mea lava na fofou ki lātou ki ei. Ka vēnā foki lava oi puapuagā te Ataliki o te Tagata i a lātou faiga.”

Mataio 17:20

Kua tali mai ia Iehu “E hēki mafai e koutou, ona e hē lava te koutou fakatuatua. Auā e lea atu au ki a te koutou, kana ia te koutou he fakatuatua e vē ko te lahi o he fatu hīnapi, e mafai ke lea koutou ki te mauga tēnei, ‘fano vē ki ko,’ oi e fano. E mafai e koutou oi fai ho he mea.”

Mataio 17:22

I te maopoopoga fakatahi o te kau hoko i Kalilaia, oi vāgana atu ai ia Iehu ki ei, “Ko te Ataliki o te Tagata ka tukulima atu ki lalo o te pule a tagata,

Mataio 17:23

ma ka ki lātou tāmatea. Kae ka toe fakatū mai ia i te oti, i tona tolu o aho.” Oi lagona ai e te kau hoko te fakanoanoa lahi.

Mataio 17:8

Oi kikila ake ai ki lātou ki luga ka kua hēai hētahi tino e i ei kae nā ko Iehu oioti.

Mataio 8:20

Kua tali atu ia Iehu ki a te ia, “E fai ia lua o ālope ma fai ia ōfaga o manulele; kae ko te Ataliki o te Tagata e hēai he mea ke takoto ki ei ke mālōlō ai.”

Mataio 8:4

Oi vāgana atu ai ia Iehu ki ei, “Fakalogo mai koe! Ko koe e hē lea lele ki he tino, kae fano oi fakaali tō tino ki he ohitāulaga; ma ofo atu ai he tāulaga e vē ona fakatonu mai e Mohe, ke fai ma fakamāoniga ki tagata ko koe kua mamā.”

Maleko 8:30

Oi fakatonu ai ki lātou e Iehu vēnei, “Nahe koutou lea lele ki he tino e uiga ki a te au.”

Luka 8:56

Na ofo lele nā mātua o te teine, kae kua fakatonu atu ki lāua e Iehu, ke nahe takua lele ki he tino te mea na tupu.

Luka 9:36

Kua uma te tautala ifo o te leo, oi maua atu au ai e ki lātou ia Iehu, nā ko ia tautahi. E hēki toe vaivaia lele he tino o ki lātou, ma e hēki takua e ki lātou ki he tino i te taimi tēnā, te mea na ki lātou kitea.