Mataio 17:5 - Tokelauan New Testament

⁵ Ka koi tautala vēnei atu ia Petelu, kae hau he ao pupula ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei, e fiafia lahi au ki ei — fakalogo ki ei!”

Mataio 17:5 ပူးပေါင်းရင်းမြစ်များ

Mataio 12:18

“Ko taku kaukauna tēnei, kua kō filifilia, tē e alofa au ki ei, ma fiafia lahi ai au. Ka kō fakatumulia ia i toku Agaga, ma ka ia fakailoa atua ki mālō uma, ma ka ki lātou maua te fakaolataga mai ia te au.

Mataio 17:6

I te lagonaga e nā hoko te leo, oi mātataku lahi lele ai ma fakapakukū fakapūlou ki luga o te kelekele.

Mataio 3:17

ma he leo e fanaifo mai te lagi e lea vē, “Ko toku Ataliki pele tēnei e fiafia lahi au ki ei.”

Maleko 1:11

ma he leo e fanaifo mai te lagi, “Ko koe ko toku Ataliki pele, e fiafia lahi au ki a te koe.”

Maleko 9:7

Oi hula mai ai he ao ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei — fakalogo ki ei!”

Luka 3:22

ma fanaifo ai te Agaga Paia ki ona luga, e vē he tino e o he lupe. Ma he leo e fanaifo mai te lagi, “Ko koe ko toku Ataliki pele, e fiafia lahi au ki a te koe.”

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Ioane 3:35

Ko te Tamana e alofa ki tona Ataliki, ma kua ia tukuatua ki ei nā mea uma.

Ioane 5:37

Ma ko te Tamana na ia uga mai au, e molimau foki ki a te au. E hēki lagona lele e koutou tona leo, pe kitea e koutou ona fōliga,

Gāluega 1:9

Kua uma te vāgana atu vēnei o Iehu, oi hikitia ake ai ki te lagi kae kikila atu ki lātou, ma na pupuni ai ia i he ao, mai te lātou kikila.

Gāluega 7:37

Ko Mohe te tino na lea vē ki tagata Ihalaelu, ‘Ka uga mai e te Atua he pelofeta, e vē lava oi ia uga maia au, he tino lava mai outou tagata.’

Efeho 1:6

Tātou viviki atu ki te Atua ona ko tona alofa tūnoa ma te meaalofa fōki fua mai e ia mo ki tātou — ko tona Ataliki fakapelepele.

Kolohe 1:13

Na ia laveakia ki tātou mai te mālohi o te pōuliuli, ma kaumai ki tātou ma te haogalēmū ki loto o te mālō o tona Ataliki pele,

Epelu 5:9

Na kavea ia ma auala na maua ai e nā tino uma e uhitaki ki a te ia te fakaolataga e fakavavau, i na kua uma te ia fakataunukua o nā mea uma na tuku e ia faia,

Fakaaliga 1:7

Kikila, e haele mai ia i luga o nā ao! Ka kitea ia e tagata uma, ma kitea foki ia e ki lātou na veloa ia i te tao. Ka faitatagi leo lahi ia tagata uma i te lalolagi mo ia. Ma ka vēnā lava ona taunuku! Amene.

Fakaaliga 14:14

Oi kikila atu ai au ma kō kitea atu he ao paepae, ma e nofo i luga o te ao paepae he tino ola e i ei he pale aliki aulo i tona ulu, ma he naifi helehele kakaha i tona lima.