Mataio 17:27 - Tokelauan New Testament

²⁷ Ka ko ki tātou e hē fofou ke fai he mea ke ita ai nā tino iēnei. Ko te mea ia, fano ki te vaitūloto oi lalafo ai tō uka. Ko tau ika muamua lava e hi, ka maua e koe i loto o te gutu he tupe hiliva e lava ke totogi ai taku lāfoga mo te Mālumalu vēnā ma tau lāfoga. Kave oi totogi ai a tā lāfoga.”

Mataio 17:27 ပူးပေါင်းရင်းမြစ်များ

Mataio 17:26

“Ko tagata nukukehe,” kua tali mai ia Petelu. Oi tali atu ai ia Iehu, “Tona uiga la, ko tagata tōtino o te fenua e hē totōgia e ki lātou.

Mataio 18:6

“Ko ai lava he tino e ia faia he mea ke uma ai te fakatuatua mai ki a te au o hētahi o ki lātou iēnei e tamaiti, e hili ai mo te tino tēnā te nonoa o he fatupae lahi lele ki tona ua, ma fakagoto ai ke malemu i te moana loloto.

Mataio 18:8

“Ma kāfai ko tō lima pe ko tō vae te māfua ai ona agahala koe, tipi kehe oi tīaki! E hili atu tō hao ki te ola e hē gata kae lima tahi pe vae tahi, i lo te kātoa ona lima ma nā vae, kae togi ai koe ki loto o te afi e hē mafai ke mate.

Mataio 5:29

Ko te mea ia, kāfai ko tō mata taumatau te māfua ai oi agahala koe, gape kehe oi tīaki. E hili atu te māumau o hō itūtino i lo te togi o tō tino kātoa ki kēna.

Mataio 5:30

Ma kāfai ko tō lima taumatau te māfua ai oi agahala koe, tipi kehe oi tīaki. E hili atu te māumau o hō lima i lo te togi o tō tino kātoa ki kēna.

Maleko 9:42

“Ko ai lava he tino e ia faia he mea ke uma ai te fakatuatua mai ki a te au o hētahi o ki lātou iēnei e tamaiti, e hili ai mo te tino tēnā te nonoa o he fatupae lahi lele ki tona ua, ma togi ai ki te tai.

Maleko 9:43

Ma kāfai ko tō lima te māfua ai oi uma tō fakatuatua, tipi kehe! E hili atu tō hao ki te ola e hē gata kae lima tahi, i lo te kātoa o nā lima kae togi ai koe ki kēna, te afi e hē mafai ke mate.

Luka 17:2

E hili atu mo te tino tēnā pe kāfai e nonoa he fatupae lahi lele ki tona ua ma togi ai ki te tai, i lo te fai e ia o he mea ke uma ai te fakatuatua mai ki a te au, o hētahi o ki lātou iēnei e tamaiti.

Ioane 6:61

E hēki lea he tino ki a Iehu, ka kua uma te ia iloa o te mea e mūimui ai ki lātou. Oi lea atu ai ki a te ki lātou, “Ko koutou nei ka fakavāivai ona ko te mea tēnei?

Loma 14:21

E hako te hē kakai ki nā kanofi o nā manuvaefa, te hē inu ki te uaina, pe ko te fai o he mea e tau tevateva ai ho uho ia Keliho.

1 Kolinito 8:13

Ko te mea ia, kāfai ko nā meakai e agahala ai he tino kua talitonu, ko au ka hē toe kai lele ki nā kanofi o nā manu, kae ke nahe agahala ai he tino kua talitonu.

1 Kolinito 8:9

Kae tau lava koutou ke fakaeteete, ke nahe kaveagia te haolotoga o koutou i nā mea iēnei, ma ala e pakukū ai ki te agahala ki lātou e vāivai i te fakatuatua.

2 Kolinito 6:3

Ko ki mātou e hē fofou ke faitio he tino ki a mātou gāluega, oi e hē faitiogia foki la e ki mātou he gāluega a he tino.

2 Kolinito 8:9

Auā kua koutou iloa te alofa tūnoa o to tātou Aliki ko Iehu Keliho; e ui lava nae tamaokāiga, kae na mativa ona ko koutou, kae ke tamaokāiga ai koutou, e ala i tona mativa.

1 Tehalonia 5:22

kae kalo kehe mai nā mea kino uma.

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.