Mataio 17:23 - Tokelauan New Testament

²³ ma ka ki lātou tāmatea. Kae ka toe fakatū mai ia i te oti, i tona tolu o aho.” Oi lagona ai e te kau hoko te fakanoanoa lahi.

Mataio 17:23 ပူးပေါင်းရင်းမြစ်များ

Mataio 16:21

Mai te taimi tēnā, na kāmata ai oi fakamālamalama e Iehu ki ona hoko te mea ka pa ia ki ei, kua lea vē atu ki a te ki lātou, “Ko au e tatau ke fano ki Ieluhalema ke puapuagā au i lima o toeaina, nā ohitāulaga hili ma faiakoga o te Tūlāfono. Ka ki lātou tāmatea au, kae i tona tolu o aho, ka toe fakatū mai ai au mai i te oti.”

Mataio 17:9

Ka koi ōifo ki lātou ki lalo o te mauga ka kua fakatonu vēnei atu e Iehu te toka tolu, “Nahe koutou takua lele ki he tino e uiga ki te fakaaliga na kikila ki ei outou mata, heiloga kua toe fakatū te Ataliki o te Tagata mai te oti.”

Mataio 20:19

ma tukulima atu ki tagata nukukehe ke ki lātou tauemua, ma kini, ma fakahātaulo; ma ka toe fakatū mai ai i te oti, i tona tolu o aho.”

Mataio 27:63

ma lea vē ki ei, “Te kōvana, e ki mātou manatua ka koi ola tēnā tino talapepelo, na fai tana kupu vēia, ‘Ko au ka toe fakatū mai i te oti, kāfai e teka nā aho e tolu.’

Maleko 8:31

Oi kāmata ai oi akoako atu vēnei e Iehu ki ona hoko, “Ko te Ataliki o te Tagata e tatau ke maua i nā puapuagā e lahi ma teteke ki ei nā toeaina, nā ohitāulaga hili, ma nā faiakoga o te Tūlāfono. Ka ki lātou tuku atua ia ke tāmate, kae i tona tolu o aho, ka toe tū ia mai te oti.”

Maleko 9:30

Kua olo kehe ia Iehu ma ona hoko mai kinā, oi olo ai kui loto atu i Kalilaia. E hēki fofou ia Iehu ke iloa e he tino te mea e i ei ai ia,

Ioane 16:6

Nei la kua kō taku atua, ko outou loto kua tūtumu i te fakanoanoa.

Ioane 2:19

Kua tali atu ia Iehu, “Talepe ki lalo te Mālumalu tēnei, oi toe fau ai e au i nā aho e tolu.”