Mataio 17:17 - Tokelauan New Testament

¹⁷ Kua vāgana atu ia Iehu, “Kai te hē talitonu ma te āmio pikopiko o tagata o tēnei tupulaga! He ā nei te mataloa e tatau ke māfuta ai pea au ma koutou? He ā nei te mataloa ka onohai ai pea au! Kaumai te tamaiti ki a te au!”

Mataio 17:17 ပူးပေါင်းရင်းမြစ်များ

Mataio 13:58

Ona ko to lātou hē fakatuatua e hēki lahi ai ni vāvega na fai e ia i kinā.

Mataio 16:8

Kua iloa e Iehu nā mea e fakataufai ai ki lātou, oi lea vē atu ai ki ei, “Kai te taigole ātili lele o te koutou fakatuatua! He ā te fakataufai ai koutou ki te hēai o ni falaoa?

Mataio 17:16

Na kaumai e au ki nā hoko o koe kae e hēki mafai e ki lātou oi fakamālōlō.”

Mataio 17:18

Oi fai ai te fakatonuga a Iehu ki te agaga kino, ma na fano ai loa te tēmoni ki fafo o te tamaiti. I te taimi lava tēnā na mālōlō ai te tamaiti.

Mataio 6:30

Kae kāfai ko te Atua te ia fakakofua te mutia ola vale, te ia e ola mai i te aho nei kae taeao e togi ki loto o te ogāumu ke huhunu, ka hē hili atu nei la ona mautinoa ka ia fakakofua koutou? Kai te taigole ātili o te koutou fakatuatua!

Mataio 8:26

Ka kua tali atu ia Iehu ki a te ki lātou, “He ā te mātataku ai koutou? Kai te taigole lele o te koutou fakatuatua!” Oi tū ai ia Iehu ki luga kua fakatonu te matagi ma nā galu ke mālū, oi toku ai loa te matagi ma toka te tai, ma kua tokihi te malino.

Maleko 16:14

Mulimuli ake oi fakakitea ai ia Iehu ki nā hoko e toka hefulutahi ka koi fai te lātou katiga. Oi munaia ai e ia ki lātou ona ko to lātou hē fakatuatua ma te loto makaka, kua hē talitonu ai ki nā tino na ki lātou kiteagia ia talu tona toe tū mai i te oti.

Maleko 9:19

Oi tali atu ai ia Iehu ki a te ki lātou, “Kai te hē talitonu o tagata o tēnei tupulaga! He ā nei te mataloa e tatau ke fakatahi ai pea au ma koutou? He ā nei te mataloa ka onohai ai pea au? Kaumai te taumalo ki a te au!”

Luka 24:25

Oi vāgana atu ai ia Iehu ki a te ki lāua, “Kai koutou te vālelea ma tuai talitonu ki nā mea uma na lea ai te kau pelofeta!

Luka 9:41

Kua tali atu ia Iehu, “Kai te hē talitonu ma te āmio pikopiko o tagata o tēnei tupulaga. He ā nei te mataloa e tatau ke māfuta ai pea au ma koutou? He ā nei te mataloa ka onohai ai pea au!” Oi vāgana atu ai ki te tamāloa, “Kaumai tō ataliki ki kinei.”

Ioane 20:27

Oi vāgana atu ai ki a Toma, “Tuku mai tō muamuālima ki eī, ma kikila ki oku lima; papae mai tō lima ki te māila i toku itū. Ia koe la nahe toe māhalohalo, kae talitonu.”

Gāluega 13:18

ma e fahefulu ia tauhaga nae onohai ai lava te Atua i o lātou uiga, i te toafa.

Gāluega 2:40

E hē ko iēnei oioti nā mea na lea ai ia Petelu ki a te ki lātou, na fautua mālohi lele ki a te ki lātou i te lahi o iētahi kupu, kua lea vē atu, “Koutou la ke hao mai te fakahalaga ka pa ki ei tēnei tupulaga kino!”

2 Kolinito 11:1

Ko au te fofou ke maua koutou i te onohai i nā mea ka lea atu ai au, e tuha lava pe kāfai au e vē e tamā favalevalea.